Yombi 1:8 - Livulu lya Shukulu Kalunga

⁸ Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi.”

Yombi 1:8 Iomraidhean Croise

2 Vimyene 23:25

Kukwakele lalo mwene wakufwa ngwe ikeye uje wapangelele Shukulu Kalunga na mbunge yendi yoshe na mana endi oshe na nzili yendi yoshe nakwononoka Mashiko oshe a Mosesa, co lalo kukwesi mwene wakulifwa nendi wai.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Yombi 12:4

Nameme vasamba vange valinakunjijola ololo, valinakujola, nameme nji muka-vushunga na muka-kujeneka mulonga, oloni kwakele simbu imo omo Njambi wakumbulwile malombelo ange.

Yombi 2:1

Omo litangwa lyetele ngeci vana va Njambi vaije nakulisholola ku mesho a Shukulu Kalunga lalo, co na Satana nendi wakele akati kavo lalo.

Yombi 2:3

Co Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi. Wanjishongangeyeye ngeci njikutave umulwise kwa mulonga, oloni Yombi angavene nanjikulaela simbu yoshe.”

Yombi 34:14

Nga Njambi natundisile muku wa mwonyo,

Yombi 8:20

“Kenga, Njambi kakavyana muka- mulonga, co ikeye kakakwasa vanu vaka-vuvi.

Myaso 18:23

Nazivuka ngeci kunjesi na mulonga, co njalinyunga ku vuvi.

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 36:1

Vuvi vukalingisa vaka-vuvi ngeci vakavangeye viyongola vyavivi vili mu vimbunge vyavo, vakavyana Njambi, co kuvesi kumukomoka.

Myaso 37:27

Tundeni ku vuvi ngeci mulinge vushunga, co vatekulwila veni vakayoya mu lifuti myaka yoshe.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 1:16

Lijweleseni yeni vavenya ngeci mujele. Likeleni vuvi vwoshe ovu njilinakumona vumulinakulinga. Eyo, likeleni kulinga vuvi,

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Ezekiyele 40:4

Co wendekele kuli yange ngwendi, “Muna munu, kengelela. Tolilila mwamuvwa, aka mbunge ku vyuma vyoshe vije vinjikumwesa, omwo evi vikevyo vivanakunenela kuno. Yove ukaleke vanu va Isalele vyuma vyoshe umona.”

Kulava 12:3

Mosesa wapwile munu wa kulikeesa kutuvakana vanu voshe ano asi.

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Yoshwa 1:2

“Ngamba yange Mosesa natsi, ngecivene, ololo livwaese, katuka yove na vanu va Isalele voshe, ngeci mujavuke Ndonga ya Yondau muye mu lifuti lije linjikavana.

Yoshwa 1:7

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.