Yakomba 5:7 - Livulu lya Shukulu Kalunga

⁷ Ngecivene, pweni vaka-kusimpa, vasamba vange, noo Mwene akaija. Kengeni kusimpa kwa ndimi omo avandamena lihya lyendi limene vimbuto vyavivwa. Akavandamena noo na ku nyangao na ku simbu ya ndombo.

Yakomba 5:7 Iomraidhean Croise

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 16:28

Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”

Mateo 24:27

Omwo Muna Munu akaija ngwe muhyato utunda mu ngangela kweta na mu kangombe ka yambi.

Mateo 24:44

Ngecivene, neni livwaeseleni cimweja, omwo Muna Munu aija a simbu ije vene kumwayongwele ngweni aija.

Luka 18:8

Njimileka ngwange, vwasi-vwasi avaakwila ngwe kukushaka kwavo. Oloni vati omo Muna Munu akaija ano asi, akawanao kukulaela ndi?”

Luka 21:27

Asinoni Muna Munu akasholoka akaija a mashelwa na nzili yakama na vumpau.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Yowano 21:22

Yesu wamukumbulwile ngwendi, “Nga njishaka ngwange ayoye noo njikaija, eci cinapu vatijo kuli yove? Yove njikave lika!”

Yowano 21:23

Ngecivene, muzimbu washandokelele akati ka vaka-kukava Yesu ngeci ndongisi ou kakatsi embwe. Oloni Yesu kendekele ngwendi kakatsi, oloni wendekele ngwendi, “Nga njishaka ngwange ayoye noo njikaija, eci cinapu vatijo kuli yove?”

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 1:7

ngecivene, kumwonwene kutambula civezikiso cimo, omo mulinakuvandamena kusholoka kwa Mwene yetu Yesu Kilistu.

Ngalatiya 5:5

Ngwe ali yetu, cinyangavili cetu cinapu ngeci Njambi akatupwisa vaka-vushunga ku mesho endi, co eci cikeco tulinakuvandamena a nzili ya Munzinzime wa Njambi uje alinakupanga mukukulaela kwetu.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

Kwituluka mu Mashiko 11:14

Nga mulingamo, co akanyokesa nyonzi mu lifuti lyeni a simbu yayo, nyonzi ya musanda na ya likuvula-shoke, ngeci mukateje vimbuto vyeni, co mukakala na vinyu vyaviha, na mazi a olive.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 2:19

Ngecivene, munapu yeni, kesi veka embwe, vaje vanapu cinyangavili cetu nakujolela kwetu na kulyalesa kwetu akuhyana ku mesho a Mwene Yesu omo akaija.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

VaHevelu 6:15

Co Avilahama wasimpile, co watambwile vije vyamukulaesele Njambi.

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.

Yakomba 5:10

Vasamba vange, anukeni vaka-kwimanena vaje vendekele mu lizina lya Mwene. Vakengeni nakutembunwina kusimpa kwavo kuvakele nakwo a simbu ya n̄avava.

Yakomba 5:3

Ngolinde yeni na siliva yeni vinaliwa ku n̄alawe, n̄alawe eyi ikapwa vukaleo kuli yeni, co vikalya situ yeni ngwe tuhya. Yeni munalilundikila vufuko mu matangwa ano akumanesela.

2 Petulu 3:4

co vakamihula ngwavo, “Ikeye wakulaesele kwija, indi vati? Ali kulijo? Vakukulwila vetu vanatsi laja, oloni vyuma vyoshe vicili ngwe muvyapwile laja tunde akutanga kwa kaye!”