Yakomba 5:5 - Livulu lya Shukulu Kalunga

⁵ Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.

Yakomba 5:5 Iomraidhean Croise

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Myaso 73:7

vimbunge vyavo vituwisa vuvi, co mana avo ali na matumbe a vuvi.

Visimo 17:1

Mwamuvwa kulya livanda lyakuma lya likende mu kwoloka, kutuvakana kukala na ciwano mu njuvo muje muli lwozi.

Visimo 7:14

“Lelo njinakombelela vin̄ombelo vya kulitombola, co lalo njili na situ ije inasalao yakulingisa ciwano.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Isaya 22:13

Oloni yeni mwavwaelelele, co mwalisambele. Mwatsiile vimanga na vingombe, co mwalile nakunwa vinyu. Mwendekele ngweni, “Tunapande kulya nakunwa! Imene tutsa.”

Isaya 3:16

Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Isaya 56:12

Vendeka ku umo na mukwavo ngwavo, ‘Twambateni vinyu tunwe ngwe mutunashakela! Co imene tukalinga lalo ngwe mutuli nakulinga lelo!’ ”

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 25:34

Lileni, yeni vantwama, yeni tunyungi va vanu vange, lileni manene! Lileni nakulikotinga mu livu. Omwo simbu yeni inete yakumitsiya, co vakamitsiya ngwe majamba a vimanga.

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 39:17

Shukulu Kalunga wa Akamwa ya Vyoshe wendekele kuli yange ngwendi, “Muna munu, sana tuzila voshe na tusitu voshe va mu shwata vakutunda ku mitambela yoshe vakunguluke nakulya n̄ombelo eyi injavavwaesela. Cikapwa ciwano cakama a minkinda ya Isalele, ngeci vakalye situ nakunwa maninga.

Amose 6:1

Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni!

Luka 16:19

“Kwakele munalume umo muka-kufuka wazalele vuzalo vwavuvwa vwa ndando yakama, co walile vyakutovala a litangwa na litangwa.

Luka 16:25

Oloni Avilahama wamukumbulwile ngwendi, ‘Anuka, munange, a simbu yakuyoya kwove vakwanene vyuma vyoshe vyavivwa, oloni Lazalu watambwile vyuma vyoshe vyavivi. Ngecivene, ololo alinakujolela kuno, oloni yove uli mu tuyando twakama manene.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

1 Timateo 5:6

Oloni fwile uje alyana ikeye vavenya mu senga yangoco natsi laja, nambe alinakuyoya.

2 Timateo 3:4

vakapwa vaka-kuluwanganya, vakakulupozoka kwendeka, vaka-kushula na kulyalesa, vakakuzema manene senga kutuvakana kuzema Njambi,

2 Petulu 2:13

vakatambula fweto ya n̄avava omwo a n̄avava ije vanenelele vakwavo. Kuvwaelela kwavo kukekwo kulinga cuma cimo mutanya mwelu ngeci vakutise mashungu a mivila yavo, vakevo vakaziva shwamwa nakuviilila omo valipandakana neni akulya, okuco kuvwaelela kwavo kunapu kwa makuli!

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’

1 Samwele 25:36

Avingaile welukile kuli Navale, ikeye wakele nakulinga ciwano mu njuvo yendi, ngwe ciwano ca mwene. Navale wavwaelelele manene omo wapendele, ngecivene, Avingaile kamulekele cuma cimo noo alikaki mutondo.

1 Samwele 25:6

Wavashikile ngeci vakaleke Navale ngwavo, ‘Kwoloka kukale amo nove, co kwoloka kukale na naanga yove, co kwoloka kukale na vyoshe-ivyoshe ulinavyo.