Yakomba 5:3 - Livulu lya Shukulu Kalunga

³ Ngolinde yeni na siliva yeni vinaliwa ku n̄alawe, n̄alawe eyi ikapwa vukaleo kuli yeni, co vikalya situ yeni ngwe tuhya. Yeni munalilundikila vufuko mu matangwa ano akumanesela.

Yakomba 5:3 Iomraidhean Croise

Kushangumuka 31:48

Lambani wendekele kuli Yakomba ngwendi, “Ou mutumbo wa mamanya ukewo unapu vukaleo muvuvali vwetu.” Omu mukemwo mutambela uje vaulukile lizina lya Ngalende.

Kushangumuka 31:52

Mutumbo ou unapu vukaleo, na limanya eli linapu vukaleo ngeci kunjikasa kujomboka mutumbo ou nakwija kuli yove nakukulwisa, co nove lalo kuukasa kujomboka mutumbo ou nakwija kuli yange nakunjilwisa.

Kushangumuka 49:1

Asinoni Yakomba wasanene vana vendi va vanalume wendekele kuli vakevo ngwendi, “Ijeni njimileke evi vikalingiwa ali yeni kulutwe.

Yombi 16:8

Yove unanjikwata, co unapu u citozi cange. Asala lika cikonde na vitsiya, co vanu vacendeka ngeci cinapu vukaleo vwa vuvi vwange.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Njelemiya 19:9

Vitozi vakazengeleka nganda kweseka kutsiya vanu vamwo. Co kuzengeleka kuje kukapwa kwakukomokesa ngeci vanu va mukati ka nganda, munu akalya munu mukwavo, nameme vana vavo vavenya.’ ”

Mika 3:3

Mulya situ ya vanu vange. Mujuva cikonde cavo, mupokozola vitsiya vyavo vipazu-vipazu, nakuviteleka ngwe situ ya mu ndeo.

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Vilinga vya Miluwa 2:17

‘Njambi alinakwendeka ngwendi, Evi vikevyo njikalinga ku matangwa akukotoka, njiketila Munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co vakwenje veni vakamona vimona, co tukulukazi veni vakalota vinjozi.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

2 Timateo 2:17

Vilongesa vya cifwa eci vinapu ngwe mbandu ya mukongo ije inyongesa situ. Valongisi vavali vaje vanalongesa vyuma evi vanapu Haimenease na Filetase.

Yoshwa 24:27

Co ikeye wendekele kuli vanu voshe ngwendi, “Kengeni, limanya eli likapwa vukaleo vwetu, omwo likelyo linazivi majwi oshe aje anendeka Shukulu Kalunga kuli yetu. Ngecivene, likelyo likapwa vukaleo kuli yeni, kutewa mukatengulukila Njambi yeni.”

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,

Kujombolola 17:16

Vimbinga vije likumi viwamwene na cikashama, vakazinda uje cikwizi, vakevo vakambata vyuma vyoshe vije vyali navyo, co vakamuseza mushelengwa, vakalya situ yendi nakumunyongesa na tuhya.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”