Yakomba 5:2 - Livulu lya Shukulu Kalunga

² Vufuko vweni vunavolo laja, na vuzalo vweni vunaliwa ku tunembulu.

Yakomba 5:2 Iomraidhean Croise

Yombi 13:28

Omwo cuma eci, yange njinafu ngwe vungululu vwa citale cakuvola, ngwe kazaku kakuliwa ku vimenzi.

Myaso 39:11

Yove ukahisi vuvi vwa munu akumwendekela, co ukanyongesa vufuko vwendi ngwe mwakavunyongesa kanembulu. Mwa vushunga munu napu wangoco ngwe lihunzi!

Isaya 50:9

Shukulu Kalunga wa Akamwa ya Vyoshe ikeye muka-kunjimanena, iyajo anjana mulonga? Vaka-kunjivangeya voshe vakahwa njwa, vakanyonga ngwe nanga yakuliwa ku tunembulu.

Isaya 51:8

vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Njelemiya 17:11

Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Hoziya 5:12

Ngecivene, njikahisa Isalele, nakunyongesa vanu va mu Yunda.

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Yakomba 2:2

Omo nga mumona munu muka-kufuka nazala kanzeya ka ngolinde na vuzalo vwavuvwa akovela mu cikungulukilo ceni, co lalo kautu akovelamo na vuzalo vwa visanyu-sanyu,

1 Petulu 1:4

co yetu tulinakukengelela kulutwe tukafuke vufuko vwa vivezikiso vije Njambi natulikila vanu vendi. Namitulikilavyo mwilu, kuje kuvyasa kusosonyoka nambe kuviya nambe kupiluka.