Yakomba 5:19 - Livulu lya Shukulu Kalunga

¹⁹ Vasamba vange, nga umo weni ongumuka kutunda ku vushunga, co weka amwilwisa lalo,

Yakomba 5:19 Iomraidhean Croise

Myaso 119:118

Yove uvyana voshe vaje vajeneka kwononoka mashiko ove, matumbe avo apwa a makuli.

Myaso 119:21

Yove ukendekela vanu vaka-kulyalesa, vanasingiwa vaje kuvononoka mashiko ove.

Visimo 19:27

Munange, nga ulikela kulilongesa, wivala vije walilongesele laja.

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 34:4

Kumwesi kunyunga vaje vakuzeya, nambe kusaka vaje valinakuvinja, nambe kukuta a vimbandu vya vaje vanavulumuka, nambe kwilwisa vaje valinakuyevangela mwangoco, nambe kushakezeka vaje vanazimbala. Oloni yeni munavapangesa na vukalu na muuka

Mateo 18:15

“Nga mukweni navulumuna mulonga kuli yove, ya ukamuleke mulonga wendi. Oloni cilinge mu vushweke, muvuvali vweni. Nga akutolilila, unovola mukweni.

Luka 22:32

Oloni yange njinakulombelela Simoni, ngeci kukulaela kwove kesi kuhwe. Co omo ukatenguluka nakwiluka kuli yange, unapande kukatakamesa vakweni.”

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

1 Timateo 6:10

Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

1 Timateo 6:21

Omwo vamo ngwavo valinawo, co omwo a cuma eci vanazimbalesa kukulaela kwavo. Kutetela kwa Njambi kukale neni voshe.

2 Timateo 2:18

Vanaseza ngila ya vushunga, co valinakutanganesa kukulaela kwa vamo akwendeka ngwavo kusanguka kwetu ku vatsi cineti laja.

VaHevelu 5:2

Omwo ikeye nendi wapwa wakuzeya mu vingila vyavingi, ngeci napu mukalyovwa-ovwa mukukwasa vaje vali ku vinzimba vaka-kuvulumuna milonga.

Yakomba 1:16

Kesi vamikwise, vasamba vange vanjazema!

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Yakomba 3:14

Oloni nga mu mbunge yove mwakala lifuwa na vukalu na kulizema yove vavenya, co kesi ulwise vushunga mu kulyalesa a mana ove.

Yakomba 5:20

anukeni cuma eci ngweni, woshe uje elwisa muka-vuvi ku kupenga-penga kwendi novola mwonyo wa uje muka-vuvi kutunda ku kutsa, co vuvi vwavungi vakavusambesa omwo ikeye.

2 Petulu 3:17

Oloni yeni, vasamba vange, mwavizivuka laja evi. Ngecivene, nyanyameni kutewa musevuka, co vanu vakujeneka mashiko vakamyungumuna, co mukawa kukukolesa kweni.

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.