Yakomba 5:16 - Livulu lya Shukulu Kalunga

¹⁶ Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

Yakomba 5:16 Iomraidhean Croise

Kushangumuka 19:29

Oloni omo Njambi wanyongesele vinganda vya mu cana muje mwakele Lote, wanukile cikulaeso cije wakulaesele Avilahama, co wovwele Lote.

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

Kushangumuka 20:7

Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

2 Samwele 19:19

wendekele ngwendi, “Shukulu kalombo, njisambese ku vuvi vuje vunjalingile a litangwa lije watundile mu Yelusalema. Kesi ukale na likiti-kiti nange nambe kuvuyongola lalo.

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

2 Mizimbu 30:20

Co Shukulu Kalunga wakumbulwile lilombelo lya Hezekiya, wavasambesele, kavavulumwine.

Yombi 42:8

Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Myaso 34:15

Shukulu Kalunga akenga ali vaka-vushunga, co aziva mutambi wavo,

Kutuuka 17:11

Omo Mosesa wolwele mavoko endi, co vaIsalele vahyanene, oloni omo wawisile mavoko endi, co vaAmaleke vashangumukile kuhyana.

Kutuuka 9:33

Asinoni Mosesa wasezele mwene, watuukile mu nganda, wajundwile mavoko endi mukulombela kuli Shukulu Kalunga. Co cililimo, na nyonzi ya mamanya, vyoshe vyalikelele, co nyonzi kuyanyokele.

Visimo 15:29

Omo vaka-vushunga valombela, Shukulu Kalunga avatolilila, oloni kesi kutolilila ku malombelo a vaka-vuvi.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 28:9

Munu uje kononoka lishiko, malombelo endi kuli Njambi anapu a vunyengwe.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Kulava 11:2

Asinoni vanu va Isalele vatambekele kuli Mosesa ngeci avakwase, co Mosesa walombelele kuli Shukulu Kalunga, co tuhya twazimine.

Mateo 21:22

Nga mukulaela mukatambula vyuma vyoshe vimukalomba.”

Mateo 3:6

vakevo valitavelele ku vivi vyavo, co wavambwitikile mu Ndonga ya Yondau.

Mako 1:5

Co vanu vavangi vatundile ku lifuti lya Yundeya na ku nganda ya Yelusalema vezile kuli Yowano nakumutolilila. Valitavelele ku vuvi vwavo, co wavambwitikile mu Ndonga ya Yondau.

Luka 9:6

Co vandongisi vaile vendanganene mu membo oshe nakwambulula Vin̄anda Vyavivwa nakukangwisa vanu kwoshe-ikwoshe.

Yowano 9:31

Tuzivuka ngwetu Njambi kesi kutolilila ku vaka-vuvi, oloni akatolilila lika kuli vaje vamusingimika nakulinga vije vyashaka ngeci vavilinge.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 19:18

Co vaka-kukulaela vavangi vezile, valitavelele ku mesho a vanu, co vambulwile vije vivalingile.

Vilinga vya Miluwa 8:24

Co Simoni wendekele kuli Petulu na Yowano ngwendi, “Njilombeleleniko kuli Mwene ngeci vyuma evi vimunendeka kesi vilingiwe kuli yange.”

Loma 3:10

Ngwe muvyendeka visoneka ngwavyo, “Naumo wai muka-vushunga,

Loma 5:19

Co ngwe omo vanu voshe vavapwisile vaka-vuvi akujeneka kwononoka kwa munu umolika, mu ngila eyi vene voshe vakavapwisa vaka-vushunga ku mesho a Njambi akwononoka kwa munu umolika.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

1 Tesalonika 5:17

lombeleni simbu yoshe,

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

1 Tesalonika 5:25

Vakwetu, netu tulombeleleni lalo.

VaHevelu 11:4

Akukulaela, Avele wakombelelele kuli Njambi n̄ombelo yakutuvakana ya Kaine. Akukulaela kwendi watambwile vukaleo vwavuvwa kuli Njambi ngeci ikeye munu muka-vushunga, omwo Njambi vavenya watavele vwana vwendi. Ngecivene, akukulaela kwa Avele, nambe watsa laja, oloni acili nakwandeka.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

VaHevelu 12:13

Endeni mu vingila vyakushungama, ngeci lindi lije lya vulema kesi likatanuke.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.

Yoshwa 10:12

A litangwa lije Shukulu Kalunga waanene nzili vaIsalele yakufungulula vaAmoli, Yoshwa wendekele kuli Shukulu Kalunga ku mesho a vaIsalele ngwendi, “Ove litangwa, imana akamwa ya Ngimbiyone, nove ngonde, imana akamwa ya Cana ca Ainjalone.”

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Yowano 3:22

Tukatambula kuli ikeye cuma coshe tumulomba, omwo tukononoka mashiko endi nakulinga vije vimuvwaelelesa.

1 Samwele 1:12

Co omo Hana wakele nakulombela kuli Shukulu Kalunga simbu yakama, Eli wamwene ku kanwa kendi.

1 Samwele 12:17

Simbu ino inapu ya malanga. Oloni njikalombela kuli Shukulu Kalunga, ngeci atume muhyato na nyonzi. Nga eci cilingiwa, co mukazivuka nakumona ngeci vuvi vweni vunaama manene ku mesho a Shukulu Kalunga, omo yeni mwamulombele mwene.”

1 Samwele 12:18

Ngecivene, Samwele walombelele, co a litangwa lije vene Shukulu Kalunga watumine muhyato na nyonzi. Co vanu voshe vazivile lyova lya Shukulu Kalunga na Samwele,