Yakomba 5:14 - Livulu lya Shukulu Kalunga

¹⁴ Kwali umo akati keni alinakuvinja ndi? Napande kusana vakulunu va cikungulukilo, co vamulombelele nakumuvwavesa mazi mu lizina lya Mwene.

Yakomba 5:14 Iomraidhean Croise

1 Vimyene 17:21

Asinoni Elinja walyololwele ali mwanike visimbu vitatu, co walombelele ngwendi, “Yove Shukulu Kalunga Njambi yange, indula mwanike ou ayoye!”

2 Vimyene 4:33

Co washokele lipito walombelele kuli Shukulu Kalunga.

2 Vimyene 5:11

Oloni Namane wateketele, co waile, wendekele ngwendi, “Yange njayongwele ngwange amo akaija kuli yange, nakulombela mu lizina lya Shukulu Kalunga Njambi yendi, nakwolwela livoko lyendi aje a cipapi ca mbumba nakunjikangwisa!

Mako 16:18

Vakakwata manyoka, co nambe nga vakanwa vyuma vya vushungu, kuvikavavulumuna, vakakambeka mavoko avo ali vaka-kuvinja, co vakenduka.”

Mako 6:13

Co vatundisile minzinzime yakujwala yaingi, co vavwavesele mazi vaka-kuvinja vavangi nakuvakangwisa.

Vilinga vya Miluwa 11:30

Co valingile cuma eci, vaanene vimbongo kuli Mbanambase na Saulu ngeci vavitwale kuli vakulunu va cikungulukilo.

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

Vilinga vya Miluwa 15:4

Omo vetele mu Yelusalema, cikungulukilo na miluwa na vakulunu vavatambwile, co vambulwile vyoshe vije vyalingile Njambi ali vakevo.

Vilinga vya Miluwa 28:8

Ishe ya Pambilyase wakele a vulili nakuvinja mushongo wa lisika-sika nakutuuka maninga. Co Paulu wakovelele ku mulili wendi, walombelele, co wakambekele mavoko endi ali ikeye nakumukangwisa.

Vilinga vya Miluwa 9:40

Oloni Petulu wavatuwisilemo voshe muje mu mulili, co watsikamene asi nakulombela, asinoni watengulukilile ku civimbi ca Ndokasi, co wendekele ngwendi, “Tambita, induka!” Co watonene, co omo wamwene Petulu, watumbamene.

Tito 1:5

Evi vikevyo njakusezelele mu Kelete ngeci uvwaese vyuma vyasaleleko, nakwimika vakulunu va vikungulukilo ku nganda na nganda. Anuka vilongesa vyange,