Yakomba 5:13 - Livulu lya Shukulu Kalunga

¹³ Kwali umo akati keni alinakuyanda ndi? Napande kulomba. Kwali umo alinakuvwaelela ndi? Napande kwimba vishangazala.

Yakomba 5:13 Iomraidhean Croise

1 Mizimbu 16:9

Shangazaleni Shukulu Kalunga, ambululeni vyuma vyoshe vyakukomokesa vije vyanalingi.

Yombi 33:26

Omo alombela kuli Njambi, co Njambi amumwesa ngozi, co akalemesa Njambi nakujolela, co Njambi akamulingila vyuma vyavivwa lalo.

Myaso 105:2

Imbeni nakushangazala Shukulu Kalunga, ambululeni vyuma vyoshe vyakukomokesa vije vyanalingi!

Myaso 118:5

Omo njakele mu tuyando, njatambekele kuli Shukulu Kalunga, co wanjikumbulwile nakunjipatula.

Myaso 18:6

Mu simbu yange ya tuyando, njatambekele kuli Shukulu Kalunga, njatambekele kuli Njambi yange ngeci anjikwase. Mu Njuvo yendi wazivile lijwi lyange, ikeye watolililile ku mutambi wange wa akukwasa.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Myaso 95:2

Tuyeni kuli ikeye nakukandelela, nakwimba myaso yakujolela nakumushangazala!

Isaya 65:14

Vakaimba nakujolela, oloni yeni mukalila nakupokoka vimbunge.

Ndanyele 5:4

Vashangazalele tumponya twavo tuje tuvapangele na ngolinde na siliva na vunengu na vutale na viti na mamanya.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Yona 2:2

“Mu tuyando twange, njatambekele kuli yove Shukulu Kalunga, co wanjikumbulwile. Mwisi mu lifuti lya vatsi, njatambekele ngeci unjikwase, co wazivile lijwi lyange.

Yona 2:7

Omo njalezumukile, asinoni njalombelele kuli yove Shukulu Kalunga, na lilombelo lyange lyetele kuli yove, co mu Njuvo yove yakujela wanjizivile.

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Mateo 26:30

Co omo vamanesele kwimba mwaso, co vatuukile vaile ku Munkinda wa Oliveta.

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Luka 23:42

Co wendekele kuli Yesu ngwendi, “Yesu njanuke, omo ukaija mu vumwene vwove.”

1 Kolinte 14:15

Ngecivene, vatijo njilinga? Njilombela na munzinzime wange, oloni njilombela lalo na mana ange, njiimba na munzinzime wange, co njiimba lalo na mana ange.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

Efeso 5:19

Endekeni kuli umo na mukwavo na majwi a myaso na myaso ya ku san̄ulu na myaso yakujela, imbeni myaso kuli Mwene nakushangazala mu vimbunge vyeni.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

Yakomba 5:10

Vasamba vange, anukeni vaka-kwimanena vaje vendekele mu lizina lya Mwene. Vakengeni nakutembunwina kusimpa kwavo kuvakele nakwo a simbu ya n̄avava.

Kujombolola 14:3

Vanu vaje vakupwa 144,000 vemanene kukutwe lwa litanda na vikashama vawana vakuyoya na vakulunu, vembile mwaso wauha, uje naumo wai wasele kulilongesawo kuvanga vakevo lika. Vakevo lika vaje vavakulile kutunda akati ka miyati ya vanu voshe.

Kujombolola 7:10

Vatambekele na majwi akama ngwavo, “Kwamena kwatunda kuli Njambi yetu, uje natumbama a litanda, na kuli Muna Manga!”