Yakomba 5:1 - Livulu lya Shukulu Kalunga

¹ Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!

Yakomba 5:1 Iomraidhean Croise

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Visimo 11:28

Vaje vakulaela a vufuko vwavo, vakatotomoka ngwe maputa a nyangao, oloni vaka-vushunga vakakola mbe, ngwe maputa a ndombo.

Visimo 11:4

Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 15:3

Co vanu vakenda mu vitapalo oku vanazala vikeleya, mushandangala yangoco na akamwa ya vinjuvo vyavo, vanu valinakulila na kusikoka.

Njelemiya 4:8

Ngecivene, zaleni vikeleya, co lileni nakumbolozoka omwo vukalu vwakukomokesa vwa Shukulu Kalunga, vuli ali Yunda.

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Ezekiyele 19:2

Vanyoko vapwile ndumba wa lwavo! Walelele vana vendi akati ka vindumba va nkomba va vukalu.

Ezekiyele 30:2

“Muna munu, ambulula vuka-kwimanena nakwendeka vije yange Kalunga wa Akamwa ya Vyoshe, njilinakwendeka. Tambeka majwi awa ngwove, ‘Litangwa lya luvinda lili muyehi!

Njwele 1:11

Linyengeni, yeni vandimi, lileni mbimbi-mitwe, yeni vaka-kunyunga vitungu vya mikolovozi ya vushuka vwa vinyu, omwo tiliku na mbale ya maumwa na vimbuto vyoshe vinanyongo.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:5

Indukeni mulile, yeni vaka-kupenda, lileni, yeni vaka-kunwa vinyu, mikolovozi ya vushuka vwa vinyu vuje mukalingi vinyu vyaviha vanainyongesa.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.

Yakomba 2:6

Oloni yeni muyengula tuutu! Veya vaje vakamiyandesa nakumikokela ku mesho a maako? Kuma kesi vaka-kufuka ndi?

Yakomba 4:13

Co ololo tolilileni kuli yange, yeni mulinakwendeka ngweni, “Lelo nameme imene tukaya ku nganda yacingandi, kuje tukakala mwaka woshe wa mutunu nakunganyala nakuwanako vimbongo vyavingi.”

Yakomba 4:9

Pweni vaka-kuviilila, tambekeni, lileni, tengulukeni kujolela kweni kupwe kulila, kujolela kweni kupwe kulisimoka!