Yakomba 4:9 - Livulu lya Shukulu Kalunga

⁹ Pweni vaka-kuviilila, tambekeni, lileni, tengulukeni kujolela kweni kupwe kulila, kujolela kweni kupwe kulisimoka!

Yakomba 4:9 Iomraidhean Croise

Nehemiya 8:9

Omo vanu vazivile vije vyakele mu Mashiko, vimbunge vyavo vyavetwele, co vashangumukile kulila. Ngecivene, Nehemiya, uje wapwile nguvulu, na Ezela muka-kukombelela na muka-kulilongesa Mashiko, na vaLevi vaje vanungulwile Mashiko valekele vanu voshe ngwavo, “Litangwa lino linapu lyakujela kuli Shukulu Kalunga Njambi yeni, ngecivene, kumwapandele kukala na vusiwa nambe kulila.

Yombi 30:31

Kuje kunjazivile laja myaso yakuvwaelela, ololo njilinakuzivako lika vusiwa nakulila.

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 119:67

Omo te kanda unjihise, njakele nakulilingila, oloni ololo njilinakwononoka lijwi lyove.

Myaso 119:71

Capwile cacivwa kuli yange kunjihisa, ngeci njililongese mashiko ove.

Visimo 14:13

Kujolela casa kufwika kuviilila, co lalo kuvwaelela casa kwimuka kuviilila.

Muka-kwambulula 2:2

Njendekele ngwange, “Tujolo twapwa vulema. Senga ikwasa vikajo?”

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Mbimbi 5:15

Kuvwaelela kunatundu mu vimbunge vyetu, co kuviilila kukekwo kunengi mu mwela wakulisamba.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Mateo 21:41

Vamukumbulwile ngwavo, “Akatsiya vaje vaka-vuvi, co akana cije citungu ku vaka-vipangi veka, vaje vakamwana-anako vushuka omo vuhya.”

Mateo 5:4

“Vanavezika vaje valinakulila, omwo Njambi akavazembeleka!

Luka 16:25

Oloni Avilahama wamukumbulwile ngwendi, ‘Anuka, munange, a simbu yakuyoya kwove vakwanene vyuma vyoshe vyavivwa, oloni Lazalu watambwile vyuma vyoshe vyavivi. Ngecivene, ololo alinakujolela kuno, oloni yove uli mu tuyando twakama manene.

Luka 6:21

“Mwavezika yeni muli na njala ololo, omwo mukakuta! “Mwavezika yeni mulinakulila ololo, omwo mukajolela!

Luka 6:25

“Tuyando tweni yeni munakuta ololo, omwo mukaziva njala! “Tuyando tweni yeni mulinakujolela ololo, omwo mukalinyenga nakulila!