Yakomba 4:8 - Livulu lya Shukulu Kalunga

⁸ Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

Yakomba 4:8 Iomraidhean Croise

Kushangumuka 18:23

Co Avilahama washwenyele kuli Shukulu Kalunga wamwihwile ngwendi, “Mwa vushunga ulinakuya nakunyongesa vaka-vushunga amo na vaka-vuvi ndi?

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

Yombi 16:17

oloni yange kunjesi na mulonga nambe lwozi lwai, co lilombelo lyange linapu lyakujela kuli Njambi.

Yombi 17:9

Vaje valitumbula kupwa vaka-vulemu, vanavetesa kupwa vaka-vushunga.

Yombi 9:30

Kukwesi njapau yasa kutundisa vuvi vwange.

Myaso 119:113

Njazinda vanu vaje vaka-kujeneka kulongwa kuli yove, oloni yange njazema mashiko ove.

Myaso 145:18

Ikeye ali muyehi na vanu vaje voshe vatambeka kuli ikeye, vanu vaje vatambeka kuli ikeye mu vushunga.

Myaso 18:20

Shukulu Kalunga anjana cikandelela omwo nji muka-kulinga mwamuvwa, ikeye anjivezikisa omwo kunjesi na mulonga.

Myaso 24:4

Kuvanga vaje vanajele mu vimbunge, nakulinga vipangi vyavivwa, vaje kuvesi kulemesa tumponya, nambe kulinga mazivasano a makuli.

Myaso 26:6

Shukulu Kalunga, njijwela ku mavoko ange kumwesa ngeci kunjesi na mulonga, co njiya nakulemesa ku mutula wove.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Myaso 73:13

Seo mukajo njilinayo nga njilijelesa, kulinga vuvi?

Myaso 73:28

Oloni ngeci mwange ni, mwamuvwa kukala kuyehi na Njambi! Shukulu Kalunga wa Akamwa ya Vyoshe, njinamupwisa cimpaka cange, co njikambulula vilinga vyendi vyoshe.

Isaya 13:15

Woshe uje ivakafungulula vakamutsiya na moko ya mukwale.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Njelemiya 4:11

Simbu ilinakwija omo vanu va mu Yelusalema vakavaleka ngwavo lihunzi lya ntwima lyakutunda mu mambo lilinakuhuwila nakushungama ali vanu vange. Kulikapu lihunzi lyakuhuwa mwamuvwa lyakupekumuna vishwashwa lika embwe,

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Mbimbi 3:57

Wanjikumbulwile nakunjileka ngeci kesi njizive lyova.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Zakaliya 1:3

oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni.

Malakiya 3:7

Kutunda ku simbu ya vakukulwila veni nakweta ku lelo lino munalimbulula mashiko ange, co kumwavilingile. Ilukeni kuli yange, co yange njikamitambula, co mwihula ngweni, ‘Vatijo twasa kwiluka kuli yove?’

Mateo 12:33

“Kukala na muti wauvwa, co na vushuka vwawo vwavuvwa, nga muti vautumbula wauvi, na vushuka vwawo vwavuvi. Muti vauzivukila ku vushuka vwawo.

Mateo 15:2

“Omwo vikajo vandongisi vove vakaleulula vilongesa vya vakukulwila vetu? Omwo vakevo kuvesi kujwela ku mavoko avo omo valya!”

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

Yakomba 1:8

Munu wa vimbunge vivali akapelyangela mu vingila vyendi vyoshe.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Samwele 14:35

Saulu watungilile Shukulu Kalunga mutula, ukewo mutula wakulivanga watungile.