Yakomba 4:6 - Livulu lya Shukulu Kalunga

⁶ Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

Yakomba 4:6 Iomraidhean Croise

2 Mizimbu 32:26

Oloni akukotoka, Hezekiya na vanu vaje vakele mu Yelusalema valikeesele, co vukalu vwa Shukulu Kalunga kuvwezile ali vakevo noo Hezekiya watsile.

2 Mizimbu 33:12

Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 33:23

Oloni ikeye kalikeesele ku mesho a Shukulu Kalunga, ngwe mwalikeesele ishe Manase, oloni ikeye wahyanene kulinga vuvi kutuvakana vuje vwalingile ishe.

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

Yombi 22:29

Njambi akakeesa vaka-kulyalesa, co akaamesa vaka-kulilumbilisa.

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Myaso 9:12

Njambi akanuka vaje voshe vali mu tuyando, ikeye kesi kwivala mutambi wavo, nambe kwivala kuhisa vaka-milonga.

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Visimo 15:33

Kukomoka Shukulu Kalunga, kulongesa munu mana, akulivanga unapande kulikeesa, asinoni uwane kasingimiko.

Visimo 18:12

Kulyalesa kutwala kukunyonga, kulikeesa kutwala ku kasingimiko.

Visimo 22:4

Ononoka Shukulu Kalunga, pwa muka-kulikeesa, co ukawana vufuko, na kasingimiko nakuyoya simbu yakama.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Visimo 3:34

Shukulu Kalunga akayeluwisa vaje vamuyeluwisa, amwesa cizemo kuli vaka-kulikeesa.

Isaya 2:17

Kulyaka ku vukama na kulyalesa kwa vanu kukahwa,

Isaya 54:7

“Njakusezele kasimbu kakandondo lika, omwo a cizemo cange cakama njikakwilwisa lalo.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Mateo 13:12

Omwo munu woshe alinavyo vakamuwezelela vikwavo lalo, co akakala na vyavingi, oloni uje kesi navyo, nameme cije alinaco vakamunyekaco.

Mateo 23:12

Woshe alyamesa ikeye vavenya, vakamupwisa wamundondo, co woshe alikeesa ikeye vavenya vakamwamesa.

Luka 1:52

Natundisa vimyene vakama a matanda avo, co naaka vaje vavandondo ku vukama.

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Yakomba 4:10

Likeeseni yeni vavenya ku mesho a Njambi, co ikeye akamijundula.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.