Yakomba 4:4 - Livulu lya Shukulu Kalunga

⁴ Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

Yakomba 4:4 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Myaso 21:8

Livoko lyove likafungulula vitozi vove voshe, co livoko lyove lya cilyo likafungulula vaje voshe vakuzinda.

Myaso 50:18

Yove ulikwata vusamba na mwizi woshe uje iwumona, co unalipandakana na vaka-vupangala.

Myaso 73:27

Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Isaya 57:3

Ijeni kuno vakumisompe, yeni vaka-vuvi! Yeni munapu mumolika na vimbanda, na vaka-vupangala, na vikwizi.

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Ezekiyele 16:32

Yove unapu ngwe munakazi uje alinga vupangala na vangenzi oloni kazeme munalume wendi.

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

Mateo 12:39

Oloni wavakumbulwile ngwendi, “Vanu vavavi va matangwa ano vakujeneka kukulaela vashaka lika cizivukiso, oloni cizivukiso nacimo cai mukamona kuvanga lika cizivukiso ca Yona muka-kwimanena.

Mateo 16:4

Yeni vanu va muyati wauvi vaka-kujeneka kukulaela! Yeni mwihula lika ngeci njimileke cizivukiso ndi? Embwe! Kuvanga cizivukiso ca Yona lika.” Ngecivene, wavasezele waile.

Mateo 6:24

“Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Yowano 15:19

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

Yowano 17:14

Njavanene muzimbu wove, co vaka-kaye vavazindile, omwo vakevo kesi vaka-kaye, ngwe omo yange kesi nji muka-kaye.

Yowano 7:7

Vaka-kaye kuvasa kumizinda, oloni vazinda yange, omwo njilinakuvaleka ngwange vingila vyavo vinapu vyavivi.

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

1 Kolinte 1:20

Ngecivene, muka-mana ali kuli? Nambe vaka-kulilongesa? Nambe muka-vimata wa mutongwe wa ano a kaye? Njambi namwesa ngeci mana a ano a kaye anapu a vulema!

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.