Yakomba 4:3 - Livulu lya Shukulu Kalunga

³ Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.

Yakomba 4:3 Iomraidhean Croise

1 Vimyene 3:11

co Njambi wendekele kuli Solomoni ngwendi, “Omwo unalombo mana akushwana mu vushunga, oloni kuwalombele mwonyo wakuyoya simbu yoshe, nambe vufuko nambe kutsa kwa vitozi vove, oloni unalombo mana akusompa mwamuvwa,

Yombi 35:12

Vakevo vatwa kawelele ngeci vavakwase, oloni Njambi kavakumbulula embwe, omwo vakevo vaka-kulyalesa, co lalo vaka-vuvi.

Myaso 18:41

Vatambeka ngeci vavakwase, oloni naumo wai avamena, vatambeka kuli Shukulu Kalunga, oloni kavakumbulula.

Visimo 1:28

Asinoni mukasana mana, oloni kunjikamikumbulula, mukanjishakezeka noku-noku, oloni kumukanjiwana.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 21:13

Uje avyana kukwasa muka-kuutwa, nendi lalo kuvakamutolilila omo akatambeka ngeci vamukwase.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Njelemiya 11:11

Ngecivene, ololo, yange Kalunga, njivaleka ngwange njikanena tuyando ali vakevo tuje kuvakasa kuputumuka. Nameme vakatambeka kuli yange, oloni kunjikavatolilila embwe.

Njelemiya 11:14

Njelemiya, kesi ulombele kuli yange nambe kunjilambelela ngeci njamene vanu ava omo vali mu tuyando, nameme valombela kuli yange ngeci njivakwase, oloni kunjikavatolilila.”

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Mika 3:4

Simbu ilinakwija omo mukalilila kuli Shukulu Kalunga, oloni kakamikumbulula, kakatolilila ku malombelo eni, omwo munalingi vuvi.

Zakaliya 7:13

Omwo kuvatolililile omo njendekele, co kunjavakumbulwile omo valombelele.

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”

Mako 10:38

Oloni Yesu wendekele kuli vakevo ngwendi, “Kumuzivuka eci cuma cimunalombo. Kuma mwasa kunwa nganja ya kayando ije injikanwa ndi? Nambe kuma mwasa kumimbwitika nakumbwitika kuje vakanjimbwitika nakwo yange ndi?”

Luka 11:10

Omwo woshe alomba atambula, co woshe asetela awana, co woshe atota vakamushokolwela.

Luka 15:13

Omo kwetile matangwa amandondo lika uje mwana washongo walandesele vufuko vwendi wakatukile waile na vimbongo. Waile ku lifuti lyakulyala, kuje wakashandwele vimbongo vyendi mukuyoya kwa vuuka.

Luka 15:30

Oloni ou munove washandwele vufuko vwove vwoshe mu ngila ya vukwizi, omo naija kuno kwimbo unamutsiila muna ngombe wakununa!’

Yakomba 4:1

Kulilwisa kwoshe na vimata vyoshe akati keni vilinakutunda kuli? Vilinakutunda ku mashungu eni aje simbu yoshe alinakulwa mu mivila yeni.

1 Yowano 3:22

Tukatambula kuli ikeye cuma coshe tumulomba, omwo tukononoka mashiko endi nakulinga vije vimuvwaelelesa.

1 Yowano 5:14

Tunasimpi ku mesho a Njambi, omwo tunazivuka ngwetu ikeye atuziva nga tumulomba cuma cimo ngwe ku cizango cendi.