Yakomba 4:2 - Livulu lya Shukulu Kalunga

² Mushaka kukala na vyuma, oloni kumwasa kuviwana, ngecivene, mutsiya, muliveyela vyuma, oloni kumwasa kuviwana, co mulinga vimata nakulilwisa. Kumwesi kuwana vije vimushaka omwo kumwesi kuvilomba kuli Njambi.

Yakomba 4:2 Iomraidhean Croise

1 Vimyene 21:6

Ahave wamukumbulwile ngwendi, “Omwo a evi nendeka Navote kuli yange. Njamulombele ngwange njilande citungu cendi ca mikolovozi ya vushuka vwa vinyu, nambe kumwana ceka nga ikeye ashaka ngacije, oloni navyana!”

Visimo 1:19

Vufuko vuje uwana mu ngila ya muuka vukakutwala ku kutsa, eci cikeco cilingiwa ku munu uje ayoya mu ngila ya muuka.

Muka-kwambulula 4:8

Kwakele munu uje wayoyele endi lika. Kakele na mwana wa munalume, nambe ndolome, oloni simbu yoshe wakele nakupanga, kapwisilemo vufuko vuje vwakele navwo. Omwo vikajo wakele nakuundanganena manene nakulishuula vavenya ku vyuma vyoshe vyakuvwaelela? Evi vinapu vyangoco lalo, co vinapu vyakukomokesa mukuyoya.

Isaya 7:12

Ahaze wakumbulwile ngwendi, “Kunjilombo cimweso embwe, kunjishaka kweseka Shukulu Kalunga.”

Hambakuke 2:5

Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu.

Yowano 16:24

Tunde aje nakweta ku lelo kanda mulombe cuma cimo mu lizina lyange, lombeni, co mukatambula, ngeci kuvwaelela kweni kukapwemo.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 5:6

Munahisa nakutsiya vanu vaka-vushunga, co kuvamivyanene.

1 Yowano 3:15

Vaje vazinda vakwavo vanapu vaka-kutsiya, co yeni munazivuka ngweni vaka-kutsiya kuvesi na mwonyo wa myaka yoshe.