Yakomba 4:1 - Livulu lya Shukulu Kalunga

¹ Kulilwisa kwoshe na vimata vyoshe akati keni vilinakutunda kuli? Vilinakutunda ku mashungu eni aje simbu yoshe alinakulwa mu mivila yeni.

Yakomba 4:1 Iomraidhean Croise

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Loma 7:23

Oloni njimona lishiko lyeka lilinakupanga mu muvila wange, lishiko lije lilinakulwisa lishiko lije linjinatava mu mbunge yange. Linanjipwisa cinzinda ca lishiko lya vuvi lije lilinakupanga mu muvila wange.

Loma 7:5

Omwo twayoyele mu vusitu, mashungu a vuvi aje Lishiko lyashangumwine akele nakupanga mu mivila yetu, co vyoshe vitwapangele vyatwalele ku kutsa.

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

Ngalatiya 5:17

Omwo cisemwa cetu ca vunu cilinakulwisa vije vyashaka Munzinzime, co lalo vije vyashaka Munzinzime vilinakulwisa vije vishaka cisemwa cetu ca vunu. Vyoshe evi vivali vyakala mu vutozi, co eci cinalumbunuka ngeci yeni kumwasa kulinga vije vimushaka kulinga.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

2 Timateo 2:23

Oloni litenge ku vimata vya vulema na vunzimba, wazivuka ngwove kukotoka kwavyo kunapu vimata lika.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

Tito 3:9

Oloni yove tewa ku vimata vya vulema, na vya mikana ya mazina a vakukulwila nakujokota nakulizunga a Lishiko. Evi vinapu vyangoco-ngoco, kuvyesi na seo.

Yakomba 1:14

Oloni munu na munu amona vyeseko omo mashungu endi ikeye vavenya alinakumukoka nakumukwata.

Yakomba 4:3

Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,