Yakomba 3:17 - Livulu lya Shukulu Kalunga

¹⁷ Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

Yakomba 3:17 Iomraidhean Croise

1 Vimyene 3:12

co njikakulingila evi unalombo. Njikakwana mana nakuzivisisa kwakama kutuvakana vaje vakeleko akulivanga, nameme vaje vakaija munima yove.

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Vimyene 3:9

Ngecivene, unjane mana akushwana nawo vanu vove mu vushunga nakuzivuka kwangununa akati ka vuvwa na vuvi. Nga kesi mukemwo ni, co vatijo njasa kushwana vanu vove ava vavangi ngacije?”

1 Mizimbu 22:12

Shukulu Kalunga Njambi yove akwane kuzivisisa na mana, ngeci wase kushwana Isalele ngwe ku lishiko lyendi.

1 Mizimbu 22:9

Nameme ngoco, ikeye wanjikulaesele ngwendi, ‘Ukakala na mwana uje akashwana mu kwoloka, omwo njikamwana kwoloka kuli vitozi vendi voshe. Lizina lyendi likapwa Solomoni, omwo a simbu yakushwana kwendi njikana Isalele kwoloka nakukala mwamuvwa.

Yombi 28:12

Oloni kulijo vakawana mana? Kulijo vakalilongesela kuzivuka?

Yombi 28:23

Njambi endi lika ikeye azivuka ngila, ikeye lika azivuka mitambela kuje kwakuwana mana.

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Kutuuka 36:2

Mosesa wasanene Mbezalele, na Oholyave, na vatongwe voshe vaje Shukulu Kalunga wavanene mana, vaje vakele na cizango cakukwasa, co Mosesa wavalekele kushangumuka kupanga.

Visimo 2:6

Shukulu Kalunga akana mana, kuli ikeye kutunda mana nakuzivisisa.

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 32:6

Cilema akendeka vya vulema lika, nakuyongola kulinga vyuma vyavivi. Vije vyakalingi na vije endeka vinapu vyakushaula Shukulu Kalunga, co kesi kulisa muka-njala nambe kwana mema kuli vaje vali na lihwila.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Ndanyele 1:17

Ngecivene, Njambi waanene vaje vakwenje vawana mana nakuzivisisa na vutongwe mu vilongesa vyavo. Co lalo waanene Ndanyele mana akulumbununa vimona na vinjozi.

Malakiya 2:9

Ngecivene, nange lalo njikamishawisa kuli vanu va mu Isalele omwo kumwononokele cizango cange, omo mulongesa vanu vange, kumwesi kuvapwisa mumo embwe.”

Malakiya 3:3

Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga.

Mateo 23:28

Neni vanu lalo akumikenga, munapu ngwe mu vaka-vushunga, oloni mu vimbunge vyeni munashulu na civembulu na vivi.

Mateo 5:8

“Vanavezika vaje vaka-kujela mu vimbunge, omwo vakamona Njambi!

Mateo 5:9

“Vanavezika vaje vaka-kwolwesa n̄ole, omwo vakavatumbula vana va Njambi!

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Luka 6:36

Pweni vaka-kutetela ngwe Ishweni wapwa muka-kutetela.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Vilinga vya Miluwa 11:24

Omwo Mbanambase wapwile munu wamuvwa, washulile na Munzinzime Wakujela nakukulaela, co vanu vavangi vavanenele kuli Mwene.

Vilinga vya Miluwa 9:36

Mu Yopa mwakele munakazi umo lizina lyendi Tambita, uje wapwile muka-kukulaela. (Lizina lyendi mu ciNgiliki ikeye Ndokasi, kulumbunuka ngwavo “shonge.”) Simbu yendi yoshe wakele nakulinga vyavivwa nakukwasa tuutu.

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 15:14

Vakwetu, njamono ngwange mwa vushunga yeni munashulu na vuvwa, munazivisisa manene, co mwasa kulilongesa umo na mukwavo.

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.

2 Kolinte 9:10

Co Njambi, uje mukakwana vimbuto vyakukuva na likende lyakulya, ikeye lalo akamyana vimbuto vyoshe vije munajeneka, co akavikulisa, akamyana kuteja vyavingi manene kutunda ku vungulu vweni.

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

1 Tesalonika 2:7

nambe ngwe miluwa va Kilistu twasele kumyana citele. Oloni twapwile tu vaka-lyovwa-ovwa omo twakele neni amo, ngwe lyovwa-ovwa lya cisemi wa munakazi omo alinakulela vana vendi vene.

1 Timateo 5:21

Ku mesho a Njambi na ku mesho a Kilistu Yesu na ku mesho a tungelo vakujela njilinakukushika ngwange unapande kwononoka vilongesa evi kujeneka kumwesa cizemo kuli umo na civembulu kuli mukwavo, nambe kesi usompe na cin̄asi ali umo a cuma cimo yove ulinakucilinga.

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

Tito 1:15

Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.

Tito 3:2

Valeke kesi vakashaule munu naumo wai, oloni vapwe vaka-kwoloka nakulizema, co simbu yoshe vasholole vuvwa vunapandemo ku mesho a vanu voshe.

VaHevelu 12:11

Omo valinakutunyanyamesa, kuli yetu cilinakusholoka ngwe cuma cakutuviililisa, kesi cakutuvwaelelesa embwe. Oloni kulutwe kuli vaje valinakuviilila nakunyanyamesa eci vakatambula cikandelela ca kwoloka ca mwonyo wa vushunga.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Yakomba 2:4

co muli na mulonga wa kaangu akati keni nakusompa mu ngila ya viyongola vyavivi.

Yakomba 3:15

Mana a cifwa cangacije kuwatundile mwilu embwe, awa akundama ku vya kaye, akewo kesi a ku munzinzime oloni a ku minzinzime yakujwala.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Petulu 2:18

Yeni vangamba munapande kulikeesa kuli vashukulu yeni, co vamweseni kasingimiko, kesi lika kuli vaje vaka-ngozi na vaka-kumizivila mema ku mbunge embwe, oloni na kuli vaje vaka-kuluvala.

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.