Yakomba 3:15 - Livulu lya Shukulu Kalunga

¹⁵ Mana a cifwa cangacije kuwatundile mwilu embwe, awa akundama ku vya kaye, akewo kesi a ku munzinzime oloni a ku minzinzime yakujwala.

Yakomba 3:15 Iomraidhean Croise

2 Samwele 13:3

Oloni Aminone wakele na musamba wendi walikeelela lizina lyendi Yonandave, muna Shamema ndolome ya Ndaviti.

2 Samwele 15:31

Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 16:23

Kunangula kwanangwile Ahitofele a matangwa aje, kwapwile vene ngwe lijwi lya Njambi, mukemwo mukwapwile kunangula kwa Ahitofele kuli Ndaviti na kuli Avisalome.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Luka 16:8

Co shukulu yendi washangalele uje katumwa wakujeneka kulongwa, omwo walingile cuma ca mana, omwo vanu va ano a kaye vali na mana ku vyuma vyavo kutuvakana vanu vaje vali mu ceke.”

Yowano 3:17

Omwo Njambi katumine Munendi ano a kaye nakuhisa vaka-kaye embwe, oloni apwe Muyoyesi wavo.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Vilinga vya Miluwa 13:10

co wendekele ngwendi, “Yove muna Liyavola! Yove unapu citozi ca vyuma vyoshe vyavivwa. Muli yove munashulu miyati yoshe ya linyanyamena, co yove simbu yoshe ulinakweseka kutengulula vushunga vwa Mwene kuvupwisa makuli!

Loma 1:22

Vendeka ngwavo vanapu vaka-mana, oloni vanapu vilema,

1 Kolinte 1:27

Oloni Njambi mu cizango cendi waangwile vije vivayongwele vaka-kaye ngwavo vyangoco ngeci azivise shwamwa vaka-mana, co lalo waangwile vije vivayongwele vaka-kaye ngwavo vyakuzeya ngeci azivise shwamwa vaka-nzili.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

1 Kolinte 3:3

omwo mucili nakuyoya ngwe vaka-kaye kano. Omwo akati keni ali lifuwa, co mulinakulizunga umo na mukwavo, kuma eci kucimwesa ngeci munapu vaka-kaye kano nakuyoya ngwe ku futisi ya kaye ndi?

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

2 Tesalonika 2:9

Uje Muka-vuvi akaija na nzili ya Satana nakulinga vizivukiso na vikomokeso vya makuli vya miyati yoshe,

1 Timateo 4:1

Munzinzime alinakwendeka nakutungukwa ngwendi vanu vamo a simbu yakukotoka vakaseze kukulaela kwavo, vakononoka minzinzime ya makuli nakukavangeya vilongesa vya minzinzime yakujwala.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

Yunda 1:19

Vanu ava vaka-kunena kaangu, vaje vakakava mashungu avo a vunu, kuvesi na Munzinzime embwe.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 2:24

“Oloni vungi vweni muli mu Tiyatila kumwakavangeyeye vilongesa evi vyavivi, yeni kumwalilongesele vije vivanatumbula vakweni veka ngwavo, ‘cisin̄iko ca kulova ca Satana.’ Kunjikamitwiki citele ceka lalo.

Kujombolola 9:11

Vali na mwene muka-kuvashika, ikeye kangelo muka-mbulu ije kuyesi naa masima. Lizina lyendi mu ciHevelu lyapwa Ambandoni, co mu ciNgiliki ngwavo Apolyoni (kulumbununa ngwavo “Muka-kunyongesa”).