Yakomba 3:14 - Livulu lya Shukulu Kalunga

¹⁴ Oloni nga mu mbunge yove mwakala lifuwa na vukalu na kulizema yove vavenya, co kesi ulwise vushunga mu kulyalesa a mana ove.

Yakomba 3:14 Iomraidhean Croise

Kushangumuka 37:11

Co vandolome vendi vamuzivilile cipululu, oloni ishe wanyungile vyuma evi mu mbunge yendi nakuviyongola.

Kushangumuka 38:9

Oloni Onane wazivukile ngeci naanga ije kuyikapu yendi, co omo walalele na fwile ya ndolome yendi, co wakele nakwitila mbuto yendi asi ngwendi, “Kutewa njikitila ndolome yange vana.”

2 Vimyene 10:16

co wendekele ngwendi, “Tuye tuvavoshe ngeci ukamone munjalilambula kuli Shukulu Kalunga.” Co vaile amolika mu litemba ku Samaliya.

2 Vimyene 10:31

Nameme ngoco, Yehu kononokele na mbunge yendi yoshe mashiko a Shukulu Kalunga, Njambi ya Isalele, oloni wakavangeyeye vilinga vyavivi vya Yelovowame, uje watwamenenene Isalele mu vuvi.

Yombi 5:2

Ulinakulipesa yove vavenya kutsa na cishota-mbunge, cinapu ca vulema.

Visimo 14:30

Mbunge ya kwoloka inena vukangule mu muvila, oloni cipululu capwa ngwe mbandu ya mukongo.

Visimo 27:4

Kuluvala kwapwa muuka, nakushandola, oloni cipululu cinahyana kuluvala.

Isaya 11:13

Vumwene vwa Isalele kuvukazivila lalo Yunda lifuwa, co Yunda kuyikapu lalo citozi ca Isalele.

Hambakuke 1:3

Omwo vikajo njimwena tuyando twangacije? Omwo vikajo utavesela vanu ngeci valinge vuvi vwangacije? Kulijokota na lwozi vyoshe vinanjizengeleka. Co kwoshe-ikwoshe kuli kulilwisa nakulizunga.

Mateo 27:18

Omwo Pilato wazivukile ngeci vakulunu va vaYunda vanenele Yesu kuli ikeye omwo vakele na lifuwa.

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

Vilinga vya Miluwa 13:45

Omo vaYunda vamwene vimbunga, co vakele na lifuwa, vavyanene vije vyendekele Paulu nakumushaula.

Vilinga vya Miluwa 26:9

“Nange vene njayongwele ngwange njasa kulinga vyuma vyavingi vyakulwisa lizina lya Yesu wa ku Nazaleta.

Vilinga vya Miluwa 5:17

Asinoni Muka-kukombelela Wakama na vakwavo vaje va mu munga ya vaSanduki, vazivilile muuka vaje miluwa, co vakele na vutumbe vwakuvalwisa.

Vilinga vya Miluwa 7:9

“Co vana va Yakomba vazivilile cipululu shongo yavo Yosefa, vamulandesele ku vundungo ku Ingito. Oloni Njambi wakele amo nendi,

Loma 1:29

Vanashulu na vyuma vyoshe vya kupenga-penga na vuvi na cipululu na cizindo, vanashulu na cipululu nakutsiya na lwozi na makuli na linyanyamena. Vafweya

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

Loma 2:17

Oloni vati yove? Ulinakulitumbula yove vavenya ngwove nji kaYunda, wajendamena a Lishiko nakulishashela ali Njambi,

Loma 2:8

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

1 Kolinte 13:4

Cizemo cili na lukakateya na kutetela, cizemo kucesi na lifuwa nambe kulyalesa,

1 Kolinte 3:3

omwo mucili nakuyoya ngwe vaka-kaye kano. Omwo akati keni ali lifuwa, co mulinakulizunga umo na mukwavo, kuma eci kucimwesa ngeci munapu vaka-kaye kano nakuyoya ngwe ku futisi ya kaye ndi?

1 Kolinte 5:2

Ngecivene, vikajo mulinakulyalesela? Kuma kumwapandele kuviilila ndi? Co munu uje nalingi cuma eci mwapande kumutundisa mu cikungulukilo.

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

Ngalatiya 5:15

Oloni nga mulinga ngwe tusitu, kulitwa vimbandu nakulivulumuna umo na mukwavo, co nyanyameni, kutewa mukalinyongesa umo na mukwavo.

Ngalatiya 5:20

mukulemesa tumponya na mu vulozi. Co vanu vakapwa vitozi, vakalwa, co vakapwa vaka-cipululu, vaka-matoto, na vaka-kulyaka ku vukama. Co vakalyangunuka mu vimbunga na mu vimunga,

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Ngalatiya 5:26

Kutwapandele kupwa vaka-kulyalesa nambe kulishangumuna umo na mukwavo nambe kukala na cipululu kuli umo na mukwavo.

Ngalatiya 6:13

Nameme vaje vatuuka kuvesi nakwononoka Lishiko, vashaka yeni mutuuke ngeci valyalese ngeci ngwavo yeni mwatava ku cilika eci ca cisemwa.

Filipu 1:15

Mwa vushunga vene kuli vamo vambulula Kilistu omwo vali na lifuwa na vimata, oloni veka vambulula na cizango cacivwa.

Filipu 2:3

Kesi mulinge cuma cimo na viyongola vya cipululu, nambe na mashungu akulishasha; oloni likeeseni ku mesho a umo na umo, simbu yoshe yongoleni vakweni ngwe vanapu vavavwa kumihyana yeni.

1 Timateo 2:4

uje ashaka ngeci vanu voshe vovoke nakweta kukuzivuka vushunga.

1 Timateo 6:4

co munu wa ngacije napu muka-kulyalesa, co kazivuka cuma nacimo cai. Napu muka-kuvinja mu mashungu na vimata vyakulikanangana a majwi, co evi vilinakunena mafuwa na vimata na kushaula na viyongola vyavivi

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

Yakomba 3:16

Kuje kwoshe kwakala lifuwa nakulizema yove vavenya, co kwakala lalo kuviya na vuvi vwoshe.

Yakomba 5:19

Vasamba vange, nga umo weni ongumuka kutunda ku vushunga, co weka amwilwisa lalo,