Yakomba 3:13 - Livulu lya Shukulu Kalunga

¹³ Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

Yakomba 3:13 Iomraidhean Croise

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Myaso 107:43

Voshe vaje vaka-mana vayongole a vyuma evi, vayongole cizemo ca Shukulu Kalunga cije kucesi kutenguluka.

Myaso 122:8

Omo ali vavushoko vange na ali vasamba vange, njendeka kuli yove Yelusalema ngwange, “Kwoloka kukale amo nove!”

Myaso 149:4

Shukulu Kalunga avwaelela ali vanu vendi, asingimika vaka-kulikeesa nakuvahyanesa.

Myaso 25:9

Ikeye akatwamenena muka-kulikeesa mu ngila yaivwa nakumulongesa cizango cendi.

Myaso 45:4

Mu vukama vwove enda nakuvezika, omwo ya vushunga na kulikeesa na kulongwa! Co livoko lyove lya cilyo likakulongesa vyuma vyakama vyakukomokesa!

Muka-kwambulula 8:1

Iyajo nalifu na muka-mana? Iyajo azivuka mwakunungulwila cuma? Mana a munu avwaelelesa cihanga cendi, nakujolesa.

Muka-kwambulula 8:5

Nga wononoka mashiko a mwene, co ukakala mwamuvwa, muka-mana azivuka ngila na simbu yakulinga vyuma.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 60:6

Matanga akama a tumelo, akatunda ku Mindyani na Efa. Vanu va Shemba vakanena ngolinde, na insense mukushangazala Shukulu Kalunga!

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Njelemiya 9:12

Njelemiya wehwile Shukulu Kalunga ngwendi, “Omwo vikajo lifuti lili mupulungwa nakuma cau ngwe mu mambo, ngeci naumo wai alinakwitamo? Iyajo muka-mana asa kuzivisisa evi? Kuli iyajo unavinungulwila ngeci alekeko vakwavo?”

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Kulava 12:3

Mosesa wapwile munu wa kulikeesa kutuvakana vanu voshe ano asi.

Mateo 11:29

Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Mateo 5:5

“Vanavezika vaje vaka-kukongomeka, omwo vakashwana ano asi!

Mateo 7:24

“Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

1 Kolinte 6:5

Shwamwa imikole! Mwa vushunga ali umo akati keni uje ali na mana asa kushungamesa n̄anda eyi akati ka vaka-Yesu.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 8:24

Mweseni cizemo ceni kuli vakevo, ngeci vikungulukilo vyoshe vikazivuke ngeci tulinakulinga vushunga akulyalesela ali yeni.

Ngalatiya 5:23

kulikeesa nakulinyunga. Kukwesi lishiko livindika vyuma vya cifwa eci.

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

Ngalatiya 6:4

Co umo na umo asompe futisi yendi vavenya. Nga ikeyo inapu yaivwa, asinoni alyalese a vije vyanalingi, kujeneka kuviseteka na vije vyanalingi munu weka.

Efeso 4:2

Simbu yoshe pweni vaka-kulilumbilisa, vaka-kulikeesa na vaka-lukakateya. Shololeni cizemo ceni mukuliyandela umo na mukwavo.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

1 Timateo 4:12

Kesi utave munu umo ashaule vukwenje vwove, oloni unapande kupwa cimweso kuli vaka-kukulaela mu endekesi yove, mu futisi yove, mu cizemo cove, mukukulaela kwove na mukujela kwove.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

Tito 3:2

Valeke kesi vakashaule munu naumo wai, oloni vapwe vaka-kwoloka nakulizema, co simbu yoshe vasholole vuvwa vunapandemo ku mesho a vanu voshe.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

Yakomba 1:21

Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”

Yakomba 3:1

Vasamba vange, kucapandele muvavangi mupwe mu valongisi. Omwo mwazivuka ngweni yetu valongisi vakatusompa manene na vukalu kutuvakana veka.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 1:15

Oloni, pweni vakujela mu vyoshe mulinga, ngwe Njambi uje wamisanene wapwa wakujela.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.