Yakomba 2:6 - Livulu lya Shukulu Kalunga

⁶ Oloni yeni muyengula tuutu! Veya vaje vakamiyandesa nakumikokela ku mesho a maako? Kuma kesi vaka-kufuka ndi?

Yakomba 2:6 Iomraidhean Croise

Yombi 20:19

omwo wayandesele nakuyengula vaka-kuutwa, nakutambula vinjuvo vya vanu vije valitungilile vakevo vavenya.

Myaso 10:10

Vaje vanazeye vawa, omwo nzili yendi yakama inavahyana.

Myaso 10:14

Oloni yove unacimono unazivuka vukalu na tuyando, co walivwaesela kukwasa. Muka-kuzeya aliita kuli yove, omwo simbu yoshe u muka-kukwasa vaka-kujeneka.

Myaso 10:2

Vaka-vuvi vali na kulyalesa nakuyandesa vaka-kuutwa, vatse mu myeto ije ivanalitela vakevo vavenya.

Myaso 10:8

Alishweka mu membo, mukuvandamena kutsiya vanu vakujeneka mulonga. Alalela vushonge uje nazeye,

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 14:6

Vaka-kulinga vuvi vatanganesa matumbe a tuutu, oloni Shukulu Kalunga napu vutewelo vwavo.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Visimo 18:23

Omo kautu endeka alikeesa, oloni omo fuki akumbulula, majwi endi apwa akushaula.

Visimo 22:16

Nga wana vwana kuli vaka-kufuka, nambe kuyandesa tuutu ngeci ufuke, ukapwa lika u kautu yove vavenya.

Visimo 22:7

Tuutu vakavashwana kuli vaka-kufuka, vaje voshe vakumuna vapwa vindungo va vaka-kukumwisa.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Hambakuke 3:14

Mikili yove yativile muka-kushika mbunga ya mashwalale vendi, omo vezile ngwe lihunzi mukutushandola, valisambele ngwe muvakalisamba vaje vakayandesa tuutu mu vushweke.

Zakaliya 7:10

Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’

Yowano 8:49

Yesu wakumbulwile ngwendi, “Muli yange kumwesi munzinzime wakujwala embwe, yange njilinakusingimika Tate, oloni yeni mulinakunjishaula.

Vilinga vya Miluwa 13:50

Oloni vaYunda vashongangeyeye vaka-kutwamenena va mu nganda na vanakazi vakutsimana vaje kesi vaYunda vaje va kulongwa. Co vashangumukile kupakesa Paulu na Mbanambase nakuvasheka mu mutambela wavo.

Vilinga vya Miluwa 17:6

Oloni omo kuvavawanene, vakokangeyeye Njasone na vamo vaka-kukulaela vavatwalele kuli vaka-kushwana, co vatambekele ngwavo, “Ava vanalume vananena vukalu kwoshe-ikwoshevanaija kuno lalo,

Vilinga vya Miluwa 18:12

Oloni omo Ngaliyo wapwile nguvulu wa vaLoma mu Akaya, vaYunda valikungulwile amo vakwatele Paulu nakumutwala ku mbanja yakusompela.

Vilinga vya Miluwa 8:3

Oloni Saulu wesekele kunyongesa cikungulukilo, waile ku njuvo na njuvo, wakokangeyeye vaka-kukulaela, vanalume na vanakazi, co wavaakele mu kamenga.

1 Kolinte 11:22

Kuma kumwesi na vinjuvo vyeni ngeci mukalilemo nakunwilamo ndi? Nambe kuma mulinakushaula cikungulukilo ca Njambi nakuzivisa shwamwa vanu vaje vanajeneka ndi? Vikajo mushaka yange njendeke kuli yeni a cuma eci? Njimishangale ndi? Mwa vushunga vene kunjimishangala embwe!

Yakomba 2:3

nga musingimika manene uje munalume nazala mwamuvwa, co mwendeka kuli ikeye ngweni, “Mwane, tumbameni mu citumbamo cacivwa eci,” oloni mwendeka kuli kautu ngweni, “Ove, imana oko, ” nambe ngweni, “Tumbama asi ku myanja yange,”

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

Yakomba 5:6

Munahisa nakutsiya vanu vaka-vushunga, co kuvamivyanene.