Yakomba 2:25 - Livulu lya Shukulu Kalunga

²⁵ Capwile cuma cimolika na Lahave uje cikwizi. Vamupwisile muka-vushunga ku mesho a Njambi omwo a vilinga vyendi, akutambula mwamuvwa vaje vaIsalele vaka-kunenga nakuvakwasa ngeci vatewe valikwasese ngila ikwavo.

Yakomba 2:25 Iomraidhean Croise

Mateo 1:5

Salemone wakitile Mbowasi kuli Lahave, Mbowasi wakitile Ovende kuli Lute, Ovende wakitile Njesi,

Mateo 21:31

Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Vilinga vya Miluwa 17:7

co Njasone navatambula mu njuvo yendi. Co voshe valinakupokola mashiko a Nguvulu nakwendeka ngwavo kuli mwene weka lalo lizina lyendi Yesu.”

VaHevelu 11:31

Akukulaela, uje cikwizi Lahave kuvamutsiile amo na vaje vaka-kujeneka kwononoka Njambi, omwo ikeye watambwile mwamuvwa vaje vaka-kunenga ngwe vasamba.

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”

Yakomba 2:22

Kuma kumwasa kumona ndi? Kukulaela kwendi na vilinga vyendi vyoshe vyapangele amo, kukulaela kwendi vacipwisile cakutungukwa a vilinga vyendi.

Yakomba 2:24

Ngecivene, tumona ngeci munu vanamupwisa muka-vushunga ku mesho a Njambi a vilinga vyendi, co kesi omwo akukulaela kwendi akwolika embwe.

Yoshwa 2:1

Asinoni Yoshwa watumine vaka-kunenga vavali mu vushweke kutunda mu cilombo ca ku Mungongo ngwendi, “Yeni mukanenge lifuti lya Kanana, vunene-nene nganda ya Yeliko.” Omo vetele ku nganda, co vakovelele mu njuvo ya cikwizi umo lizina lyendi Lahave.

Yoshwa 2:15

Asinoni Lahave watuwisilile vaje vanalume mu njanena nakuvasosela asi na mukole, omwo njuvo yendi vaitungilile kumukulo wa civumbe ca nganda.

Yoshwa 2:16

Co wavalekele ngwendi, “Yeni ku lifuti lya malundu, amo vanu va mwene vamiwana, vandeni kuje matangwa atatu noo vanelukamo. Co omo vineti evi, mwasa kuya vungenzi vweni.”

Yoshwa 2:4

Oloni uje munakazi te nashweke laja vaje vanalume vavali, co wendekele ngwendi, “Mwa vushunga, vaje vanalume vanezile kuli yange, oloni kunjizivuka oku kuvanatundu.

Yoshwa 2:6

Oloni Lahave wavatwalele akamwa ya ciluli ca njuvo cakusivama, co wavashwekele mu kalyaule kaje washandele akamwa ya ciluli ca njuvo.

Yoshwa 6:17

Nganda na vyuma vyoshe vilimo mukavyana kuli Shukulu Kalunga nakuvinyongesa vyoshe njwa, kuvanga lika uje cikwizi Lahave na vavushoko vwendi vali mu njuvo yendi vakevo lika vakayoyao, omwo ikeye washwekele vaka-kunenga vaje twatumine.