Yakomba 2:21 - Livulu lya Shukulu Kalunga

²¹ Vatijo kukulwila yetu Avilahama vamupwisile muka-vushunga ku mesho a Njambi? Eci capwile caa vilinga vyendi, omo wakombelele munendi Isake a mutula.

Yakomba 2:21 Iomraidhean Croise

Myaso 143:2

Kesi usompese yange ngamba yove, omwo kukwesi umo wa kulongwa kuli yove.

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Mateo 12:37

Omwo a majwi eni akewo vakamisompa nawo, nambe kumisambesa nambe kumihisa.”

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 1:73

Walikumiiye cikumiiyo cije calisingile na kukulwila yetu Avilahama.

Luka 16:24

Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

Luka 16:30

Co uje fuki wakumbulwile ngwendi, ‘Embwe, tate Avilahama! Oloni nga umo asanguka ku vatsi nga aya kuli vakevo, co vakevo vakatenguluka kutunda ku vivi vyavo.’

Yowano 8:39

Vamukumbulwile ngwavo, “Avilahama ikeye Tatetu.” Yesu wakumbulwile ngwendi, “Nga mwa vushunga mwapwile mu vana va Avilahama, nga neni lalo mulinakulinga vipangi vije vyalingile Avilahama.

Yowano 8:53

Tatetu Avilahama watsa, kuma wasa kulipwisa wakama kutuvakana Avilahama ndi? Co vaka-kwimanena lalo vatsa. Yove unayongola ngwove yove iya?”

Vilinga vya Miluwa 7:2

Co Setefano wamukumbulwile ngwendi, “Vandolome na vatate njitolilileni! Simbu kanda kukulwila yetu Avilahama waile nakukakala mu Halane, Njambi wa vumpau walisholwele kuli ikeye mu Mesopotamya,

Loma 3:20

Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Loma 4:1

Ngecivene, vatijo twendeka ali kukulwila yetu Avilahama? Vikajo vyalingiwile kuli ikeye?

Loma 4:12

Co ikeye lalo napu ishe ya voshe vaje vanatuuka, eci cikeco, kuli vaje, kuwezelelako kutuuka, vayoya yoyesi yakukulaela ije yayoyele tatetu Avilahama simbu kanda vamutuule.

Loma 4:16

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

VaHevelu 11:17

Akukulaela, Avilahama waanene munendi Isake kupwa n̄ombelo, omo Njambi wamwesekele. Kuli Avilahama lika Njambi walingile cikulaeso, nameme ngoco, walivwaeselele cimweja kwana munendi umolika kupwa n̄ombelo.

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”

Yakomba 2:24

Ngecivene, tumona ngeci munu vanamupwisa muka-vushunga ku mesho a Njambi a vilinga vyendi, co kesi omwo akukulaela kwendi akwolika embwe.

Yoshwa 24:3

Asinoni njatundisile kukulwila yeni Avilahama, musambwa ya Ndonga ya Yufuleti nakumutwamenena mu lifuti lyoshe lya Kanana. Njatumisile vatekulwila vendi. Co njamwanene Isake.