Yakomba 2:19 - Livulu lya Shukulu Kalunga

¹⁹ Unakulaela ngwove kwali Njambi umolika ndi? Mwamuvwa! Na minzinzime yakujwala lalo inakulaela, co ikajaja na lyova.

Yakomba 2:19 Iomraidhean Croise

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 45:6

Njilinakulinga evi ngeci, kutunda ku shongo imo ya kaye kutwala ku shongo ikwavo, munu woshe azivuke ngeci yange njapwa Kalunga, kukwesi njambi weka lalo wai.

Isaya 46:9

Anukeni vije vyalingiwile ku san̄ulu, taveni ngweni yange lika nji Njambi, co kukwesi weka lalo wakulifwa nange wai.

Yona 4:4

Co Shukulu Kalunga wamukumbulwile ngwendi, “Kuma cinakupande kuluvala ndi?”

Yona 4:9

Oloni Njambi wendekele kuli Yona ngwendi, “Kuma cinakupande kuluvala a mono eyi ndi?” Co Yona wamukumbulwile ngwendi, “Mwamuvwa kuli yange kuluvala nameme vene kutsa.”

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Mako 1:24

“Ushaka kulinga vika netu, yove Yesu wa ku Nazaleta? Kuma unaija kuno nakutunyongesa ndi? Njakuzivuka, yove wapwa u muluwa wakujela wa Njambi!”

Mako 12:29

Yesu wamukumbulwile ngwendi, “Lishiko lyakama kutuvakana linapu eli, ‘Tolilileni, yeni vaIsalele! Shukulu Kalunga ikeye lika Shukulu Kalunga Njambi yetu.

Mako 5:7

co wakangokele na lijwi lyakama ngwendi, “Vika ushaka kulinga nange ove Yesu, Muna Njambi wa Akamwa ya Vyoshe? Omwo a lizina lya Njambi, njikulomba ngwange, kesi unjihise embwe!” (

Mako 7:9

Co Yesu wendekele lalo ngwendi, “Yeni munaleulula mashiko a Njambi ngeci mukave vilongesa vyeni.

Luka 4:34

“Yove Yesu wa ku Nazaleta, ushaka kulinga vika netu? Kuma unaija kuno nakutunyongesa ndi? Njakuzivuka, yove wapwa u muluwa wakujela wa Njambi!”

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Vilinga vya Miluwa 16:17

Wakavele Paulu amo netu watambekele ngwendi, “Ava vanalume vanapu vangamba va Njambi wa Akamwa ya Vyoshe! Valinakwambulula kuli yeni ngila ya kwovoka!”

Vilinga vya Miluwa 19:15

Oloni munzinzime wakujwala wendekele kuli vakevo ngwawo, “Yesu njimuzivuka, co Paulu lalo njimuzivuka, oloni yeni yeni veyajo?”

Vilinga vya Miluwa 24:25

Oloni omo Paulu wakele nakusimutwiya a vuvwa na akulinyunga na akwija kwa Litangwa Lyakusompa, Felikisi wazivile lyova wendekele ngwendi, “Ololo wasa kuya. Njikusana lalo omo njiwana simbu.”

Loma 3:30

Omwo Njambi wapwa umolika, co alingisa vaYunda kupwa vaka-vushunga ku mesho endi akukulaela kwavo, co na vaje lalo kesi vaYunda avapwisa vaka-vushunga akukulaela kwavo.

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Ngalatiya 3:20

Oloni muka kunungulula kesi endi lika, omo kuli munu umolika nakundamako, co Njambi napu umolika.

Kwituluka mu Mashiko 6:4

“Tolilileni yeni vaIsalele! Shukulu Kalunga ikeye lika Shukulu Kalunga Njambi yetu.

1 Timateo 2:5

Omwo kwali Njambi umolika, co kwali uje alinakunena Njambi na vanu amolika, munu ikeye Kilistu Yesu,

Yakomba 2:8

Mulinga cuma cacivwa nga mwononoka lishiko lya Vumwene, lije tuwana mu visoneka ngwavyo, “Zema mukweni ngwe muwalizema yove vavenya.”

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Yunda 1:6

Anukeni tungelo vaje kuvanyungile myela yavo na moko yavo, oloni vasezele mwela wavo, vanavakutiiya na malyenge a myaka yoshe mu lisusulungu lya kwisi, kuje kwanavanyungila Njasmbi noo ku Litangwa lije lyakama omo vakavahisa.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.