Yakomba 2:12 - Livulu lya Shukulu Kalunga

¹² Ngecivene, endekeni nakulinga ngwe vanu vaje vavakasompa na lishiko lije likatupatula.

Yakomba 2:12 Iomraidhean Croise

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 8:32

co mukazivuka vushunga, co vushunga vukamipatula.”

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

Yakomba 1:25

Oloni woshe uje akengesesa a mashiko akujela aje akapatula vanu, co uje kawatolilila lika asinoni awevala, oloni awapangesa, munu uje Njambi akamuvezikisa mu vyoshe vije alinga.

Yakomba 2:8

Mulinga cuma cacivwa nga mwononoka lishiko lya Vumwene, lije tuwana mu visoneka ngwavyo, “Zema mukweni ngwe muwalizema yove vavenya.”