Yakomba 1:9 - Livulu lya Shukulu Kalunga

⁹ Vaka-Yesu vaje vanapu tuutu vanapande kuvwaelela omo Njambi avajundula,

Yakomba 1:9 Iomraidhean Croise

Myaso 62:9

Vanu voshe vanapu ngwe muku, naumo wai napu wa seo. Kuvapeselesa voshe kuvesi na vulemu, vanapu vavehu ngwe muku.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Visimo 19:1

Muka-kuutwa uje enda mu vushunga alikulutwe kutuvakana muka-makuli, ikeye lalo cilema.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Luka 1:52

Natundisa vimyene vakama a matanda avo, co naaka vaje vavandondo ku vukama.

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Luka 9:48

co wendekele kuli vakevo ngwendi, “Woshe atambula mwanike ou mu lizina lyange, co natambula yange vene, woshe uje anjitambula, natambula lalo uje wanjitumine. Omwo woshe uje napu wamundondo akati keni muvavoshe, ikeye napu wakama.”

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

2 Kolinte 6:10

nambe tulinakuviilila, oloni simbu yoshe tulinakujolela, tulinakusholoka ngwe tu tuutu, oloni tunapwisa vanu vavangi vaka-kufuka, tulinakusholoka ngwe kutwesi nacimo cai, kuma tunafuku vyuma vyoshe.

Kwituluka mu Mashiko 15:11

Co njimishika ngwange mukakale na mema ku mbunge ali kautu, omwo mu lifuti kumwesi vaka-kuyanda na tuutu.

Kwituluka mu Mashiko 15:7

“Nga lifuti lije limukakala lyakamyana Shukulu Kalunga Njambi yeni, mukakala kavushoko keni kaIsalele akashaka kumukwasa, kesi mukavyane kumukwasa nambe kumuzivila cipululu embwe.

Kwituluka mu Mashiko 15:9

Kesi mukavyane kumukumwisa cuma cimo embwe, omwo mwaka wakumanesa makongo uli muyehi, kesi mukatave viyongola vyavivi vikakovele mu vimbunge vyeni. Nga mukavyana kumwana likongo, co akatambeka kuli Shukulu Kalunga omwo yeni, co mukakala na mulonga.

Filipu 3:14

Ngecivene, njilinakushatukila kulutwe nakushungama kuya ku mamaneselelo ngeci njikatambule cikandelela cije cinapu kusana kwa Njambi ali Kilistu Yesu ku mwonyo uli mwilu.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.