Yakomba 1:25 - Livulu lya Shukulu Kalunga

²⁵ Oloni woshe uje akengesesa a mashiko akujela aje akapatula vanu, co uje kawatolilila lika asinoni awevala, oloni awapangesa, munu uje Njambi akamuvezikisa mu vyoshe vije alinga.

Yakomba 1:25 Iomraidhean Croise

Myaso 106:3

Vavezika vanu vaje valinga vushunga, vanu vaje valinga vuvwa simbu yoshe!

Myaso 119:32

Njikakakateya kwononoka mashiko ove, omwo yove unanjana kuzivisisa mwamuvwa.

Myaso 119:45

Njikayoya mukupatuka, omwo njinononoka vilongesa vyove.

Visimo 14:15

Cilema akatava cuma coshe-icoshe cije aziva, vaka-mana vakevo vazivuka kuje kuvaya.

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Yowano 13:17

Nga mwazivuka vyuma evi, mukavezika nga mukavilinga!

Yowano 8:36

Ngecivene, nga Mwana amipatula, mwa vushunga mukapwa vaka-kupatuka.

Vilinga vya Miluwa 13:43

Omo vanu vatundile kuje ku sinangonge, vaYunda vavangi na vaje kesi vaYunda vavangi vaje vapwile va kulongwa ku futisi ya vaYunda vakavele Paulu na Mbanambase. Vaje miluwa vendekele kuli vakevo nakuvatakamesa kukakateya akuyoyela mu kutetela kwa Njambi.

Vilinga vya Miluwa 2:42

Co vakakateyeye kulilongesa kuli miluwa na mu kulitombola na mukulipangela makende na mukulombela.

Vilinga vya Miluwa 26:22

Oloni na ku litangwa lya lelo Njambi nanjikwasa, ngecivene, njinemana kuno mukwana vukaleo vwange kuli yeni voshe, vakulunu na vanike. Vije vinjendeka vinapu vimo vije vendekele vaka-kwimanena na Mosesa ngeci vikalingiwa,

Loma 11:22

Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

Loma 2:13

Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko.

Loma 7:12

Ngecivene, Lishiko likelyo lyapwa lyakujela, co nakushika kwapwa kwakujela na vushunga na vuvwa.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

2 Kolinte 13:5

Lyesekeni yeni vavenya nakuliilula nga munapu vaka-kukulaela. Kuma mwa vushunga mwazivuka ngeci Kilistu Yesu ali muli yeni ndi? Nga kesi ngacije, co munonwa vene.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 5:1

Kupatuka kukekwo tulinakwo, Kilistu natupatula! Ngecivene, imaneni ngwe vanu vakupatuka, co kesi mulyecelele yeni vavenya lalo kupwa vindungo.

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

1 Timateo 2:15

Oloni munakazi vakamwamena akukita vana, nga akakateya mukukulaela na mu cizemo na mukujela na kasingimiko.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

Yakomba 2:12

Ngecivene, endekeni nakulinga ngwe vanu vaje vavakasompa na lishiko lije likatupatula.

1 Petulu 2:16

Yoyeni ngwe vanu vakupatuka, ngecivene, kesi mupangese kupatuka kweni ngwe cuma cakufwika vuvi embwe, oloni yoyeni ngwe vindungo va Njambi.

1 Yowano 2:24

Ngecivene, nyanyameni, nyungeni mu vimbunge vyeni lijwi lije mwazivile tunde ku san̄ulu. Nga munyunga lijwi lije, asinoni simbu yoshe mukayoya amo na Mwana na Ishe.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”

Kujombolola 22:14

Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda.

1 Samwele 12:14

Nga mukasingimika Shukulu Kalunga, nakumupangela, nakutolilila ku majwi endi, nakwononoka mashiko endi, co nga yeni, na mwene yeni uje amishwana mukakava Shukulu Kalunga Njambi yeni, co mwamuvwa.