Yakomba 1:21 - Livulu lya Shukulu Kalunga

²¹ Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.

Yakomba 1:21 Iomraidhean Croise

Myaso 25:9

Ikeye akatwamenena muka-kulikeesa mu ngila yaivwa nakumulongesa cizango cendi.

Isaya 2:20

Omo litangwa lije lyeta, vanu voshe vakombila kuti tumponya twa ngolinde na tumponya twa siliva tuje tuvanalingi, co vakavisezela vin̄olo na vindima-ndima.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Mateo 5:5

“Vanavezika vaje vaka-kukongomeka, omwo vakashwana ano asi!

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Vilinga vya Miluwa 10:33

Ngecivene, njatumine vwasi-vwasi vanu kuli yove, co unavwaesa omo unaija. Ololo yetu voshe tuli kuno ku mesho a Njambi tunavandamena kutolilila vyuma vyoshe ovyo vyanakuleka Mwene ngeci uvyendeke.”

Vilinga vya Miluwa 13:26

“Vavushoko vwange vaIsalele, vatekulwila va Avilahama, co neni voshe kesi vaYunda mulikuno vaka-kulemesa Njambi, muzimbu ou wakwovoka vanautumu kuli yetu!

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

Loma 11:17

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

1 Kolinte 15:2

Uje ukewo muzimbu, lijwi lije njambulwile kuli yeni. Munovoka a muzimbu nga mukakateyao mbe, kuvanga amo eci munakulaela cinapu cangoco.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Efeso 1:13

Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 5:4

Kucamipandele kwendeka majwi a shwamwa, a kutuka nambe a mazilo. Oloni munapande kukandelela lika kuli Njambi.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

Tito 2:11

Omwo Njambi nasholola kutetela kwendi mukwamena vanu voshe.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

Yakomba 5:20

anukeni cuma eci ngweni, woshe uje elwisa muka-vuvi ku kupenga-penga kwendi novola mwonyo wa uje muka-vuvi kutunda ku kutsa, co vuvi vwavungi vakavusambesa omwo ikeye.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 1:9

omwo mulinakutambula kwovoka kwa myonyo yeni, kukekwo kwapwa vutumbe vwakukulaela kweni.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.