Yakomba 1:2 - Livulu lya Shukulu Kalunga

² Vasamba vange, liyongoleni yeni vavenya ngweni mwavezika omo vyeseko vyavingi vilinakwija kuli yeni,

Yakomba 1:2 Iomraidhean Croise

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 5:3

Tuli lalo nakulishasha a tuyando twetu, omwo tunazivuka ngwetu tuyando tusholola lukakateya,

Filipu 1:29

Omwo vanamyana vwana vwakupangela Kilistu, kesi lika akumukulaela, oloni nakumuyandela lalo.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Filipu 2:18

Mu ngila eyi vene, neni lalo munapande kuvwaelela na kujolela amo nange.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

VaHevelu 10:34

Yeni mwalipangelele n̄avava ya vunzinda, co omo vevile vyeni vyoshe, co yeni mwakakateyeye nakujolela ku vyeni vije vyazimbalele, omwo mwazivukile ngeci muli na vyuma vyavivwa kutuvakana vije, vyuma vije vikakalako simbu yoshe.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Yakomba 1:16

Kesi vamikwise, vasamba vange vanjazema!

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Yakomba 5:11

Tulinakuvatumbula vaka-kuvwaelela omwo vakevo vakele na lukakateya. Mwaziva laja akusimpa kwa Yombi, co mwazivuka vika Mwene waanene kuli Yombi akukotoka. Omwo Mwene muka-kutetela na mema ku mbunge.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.