Yakomba 1:19 - Livulu lya Shukulu Kalunga

¹⁹ Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Yakomba 1:19 Iomraidhean Croise

Nehemiya 8:18

Kutunda a litangwa lyakulivanga lya Ciwano, kutwala naakumanesa, valavele Mashiko a Njambi a litangwa na litangwa. Valisambele matangwa atanu na avali, co a litangwa lyamucitanu na atatu vamanesele Ciwano, ngwe ku Mashiko.

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Nehemiya 9:3

Co a visimbu vitatu vavalavelele Mashiko a Shukulu Kalunga Njambi yavo, lalo kwetile visimbu vitatu vyakulitavela vivi vyavo, co valemesele Shukulu Kalunga Njambi yavo.

Yombi 32:16

Kuma njivandamene omwo vanoloka ndi? Omwo vanemana lika kuvakumbululako lalo?

Visimo 10:19

Kwendeka manene kukakoko kuviisa, nga wanyanyama, oloka lika kuluu.

Visimo 13:3

Nyanyama ku vyuma vije wendeka, co ukanyunga mwonyo wove, nga wendeka lishamena ukanyonga.

Visimo 14:17

Vanu vaka-kuluvala, vakalingi vyuma vya vulema, oloni vaka-mana vakakala mu kwoloka.

Visimo 14:29

Uje kesi kuluvala vwasi, ali na mana akama, oloni muka-mbunge ya vwasi-vwasi, akamwesa lika vulema vwendi.

Visimo 15:18

Mbunge ya matoto ikashangumuna vimata, oloni kusimpa, kukanene kwoloka.

Visimo 15:2

Omo vaka-mana vendeka, vendeka mana, oloni vilema vendeka vyangoco.

Visimo 16:32

Muka-kujeneka kuluvala-luvala wapwa wamuvwa manene kutuvakana muka-nzili, kulinyunga yove vavenya kwapwa kwakuvwa kutuvakana kushwana vinganda vyoshe.

Visimo 17:14

Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Visimo 17:27

Uje anyunga majwi endi ali na mana, na munu uje azivuka mwamuvwa vyuma akasimpi.

Visimo 18:13

Akulivanga tolilila simbu kanda ukumbulule, nga ukumbulula omo kanda uzivisise ulikokela lika shwamwa na vulema.

Visimo 18:21

Vyendeka vyove vyasa kukuyoyesa nambe kukutsiisa, co unapande kunyunga majwi aje wendeka.

Visimo 19:11

Nga u muka-mana usimpa mukuluvala kwove, omwo mukweni akuviisila unapande kumusambesa.

Visimo 19:19

Munu wakuluvala-luvala manene wakala mu vukalu vwakama, munu wa cifwa cangacije vanapande kumukwasa simbu yoshe.

Visimo 21:23

Nga unyunga majwi aje ukendeka, co ulinakwamena mwonyo wove ku vukalu vwavungi.

Visimo 25:28

Munu uje aluvala-luvala simbu yoshe, napu ngwe nganda ya civumbe.

Visimo 29:20

Cilema ali na cinyangavili, kutuvakana munu uje endeka kwakujeneka kuyongola.

Kulava 22:27

Omo cimulu wamwene kangelo ka Shukulu Kalunga, co wavutamene. Co Mbalame waluvalele manene ngeci wapupile uje cimulu na mulamu wendi.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mako 12:37

Ndaviti ikeye vavenya wamutumbwile ngwendi ‘Shukulu,’ ngecivene, vatijo Wakuvwavesa apwe mutekulwila wa Ndaviti?” Co ije mbunga yakama yatolililile Yesu nakuvwaelela.

Mako 2:2

Ngecivene, vanu vavangi vezile vakungulukilile kuje amolika ngeci kukwakele mwela wai, nameme ku cikolo ca njuvo. Co Yesu wambulwile lijwi kuli vakevo

Luka 15:1

Litangwa limo omo vaka-kutambula lisimu na vaka-vuvi vezile kuli Yesu nakumutolilila,

Luka 19:48

oloni kuvasele kuwana ngila muka vasa kucilinga, omwo vanu voshe vakele nakumutolilila ngeci kesi valojeo nambe lijwi limo.

Vilinga vya Miluwa 1:15

Omo kwetile matangwa amandondo lika, co kwakele cikungulukilo ca vaka-kukulaela, voshe vapwile 120, co Petulu wemanene nakwendeka ngwendi,

Vilinga vya Miluwa 10:33

Ngecivene, njatumine vwasi-vwasi vanu kuli yove, co unavwaesa omo unaija. Ololo yetu voshe tuli kuno ku mesho a Njambi tunavandamena kutolilila vyuma vyoshe ovyo vyanakuleka Mwene ngeci uvyendeke.”

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Vilinga vya Miluwa 2:42

Co vakakateyeye kulilongesa kuli miluwa na mu kulitombola na mukulipangela makende na mukulombela.

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Kolose 3:15

Kwoloka kwa Kilistu kushwane mu vimbunge vyeni, omwo Njambi wamisanene amolika mu muvila umolika. Co kandeleleniko.

Kolose 3:8

Oloni ololo munapande kumbila kuti vyuma vyoshe evi, kutenuka, mashungu amavi, na cizindo cacivi. Mu tunwa tweni kumwapandele kutuuka majwi amavi, nambe kutuka.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

Yakomba 1:16

Kesi vamikwise, vasamba vange vanjazema!

Yakomba 1:2

Vasamba vange, liyongoleni yeni vavenya ngweni mwavezika omo vyeseko vyavingi vilinakwija kuli yeni,

Yakomba 1:26

Nga munu umo ayongola ngwendi ikeye muka-kulemesa, co kononwesa ndaka yendi, kulemesa kwendi kunapu kwangoco, co alinakulikwisa ikeye vavenya.

Yakomba 2:1

Vasamba vange, akupwa mu vaka-kukulaela kuli Mwene yetu Yesu Kilistu, Mwene wa vumpau, kumwapandele kumwesa kaangu ku vanu ngwe ku cifwa cavo ca anja embwe.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

Yakomba 3:10

Majwi akukandelela nawa a cisingo oshe akatuuka mu kanwa kamolika. Vasamba vange, vyuma evi kuvyapandele kulingiwa!

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.

Yakomba 5:12

Oloni a vyoshe evi, vasamba vange, kesi mulisinge omo mulinga cikumiiyo. Kesi mulisinge na lilu nameme na asi nameme na cuma coshe-icoshe. Oloni, “Eyo yeni ipwe eyo omwo munatava,” nambe “Embwe embwe yeni ipwe embwe omo munavyana,” nga ngoco, co vaka-nyanyamesa kuli Njambi.

Yakomba 5:19

Vasamba vange, nga umo weni ongumuka kutunda ku vushunga, co weka amwilwisa lalo,

1 Yowano 2:21

Ngecivene, Njilinakumisonekela, kesi ngwe omwo kumuzivuka vushunga embwe, oloni omwo munavuzivuka, co lalo mwazivuka ngweni makuli naamo ai atunda ku vushunga.