Yakomba 1:14 - Livulu lya Shukulu Kalunga

¹⁴ Oloni munu na munu amona vyeseko omo mashungu endi ikeye vavenya alinakumukoka nakumukwata.

Yakomba 1:14 Iomraidhean Croise

Kushangumuka 3:6

Omo munakazi wamwene vuvwa vwa uje muti na sholovya ya vushuka vwawo, co lalo ukewo wasa kutengulwisa munu akale na mana, wapotwele vushuka vwawo, walile. Co waaneneko vumo munalume wendi, nendi lalo walile.

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

2 Samwele 11:4

Ngecivene, Ndaviti watumine miluwa kukamushaka, co vamunenele kuli Ndaviti, co walalele nendi. (Omo nalijelesa laja.) Mbateshemba welukile ku njuvo yendi.

Yombi 31:27

Kuvyanjungumwisile kunjitwala kweka mukuvilemesa, nakutsemba livoko lyange nakuvisingimika.

Yombi 31:9

“Nga njashungwiiye munakazi wa mukwetu, nambe kumuvandamena ku cikolo,

Visimo 4:23

Nyunga viyongola vyove, omwo viyongola vyove vikevyo kavwelu-vwelu ka mwonyo.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Hoziya 13:9

“Njikaminyongesa, yeni vanu va mu Isalele! Co iyajo akamikwasa?

Mateo 15:18

Oloni vyuma vije vikatundu mu kanwa vikevyo vikatundu mu mbunge. Co evi vikevyo vene vikaviisa munu.

Mateo 15:20

Evi vyoshe vikevyo vikaviisa munu. Oloni kulya na mavoko akujeneka kujwela kuvyasa kuviisa munu.”

Mateo 4:1

Asinoni Munzinzime watwalele Yesu mu mambo ngeci Liyavola akamweseke.

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Loma 7:11

Omwo vuvi vwawanene mwela, co vuvi vwanjikwisile nakunjitsiya.

Loma 7:13

Oloni kuma eci calumbunuka ngeci cije cacivwa cikeco canenele kutsa kuli yange ndi? Kesi ngoco embwe! Eci calingiwile omwo vuvi, akupangesa cije cacivwa, vuvi vwanenele kutsa kuli yange, ngeci cifwa cavwo cisholoke ngeci mwa vushunga vunapu vuvi. Co mu ngila yakushika oku vuvi vunasholoka kupwa vwavuvi manene.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

Yakomba 1:13

Nga munu vamweseka na vyeseko vyangacije, co kapandele kwendeka ngwendi, “Vyeseko evi vilinakutunda kuli Njambi.” Omwo Njambi kucitava kumweseka na vuvi, co ikeye vavenya kesi kweseka munu naumo wai.

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.