Visimo 9:6 - Livulu lya Shukulu Kalunga

⁶ Tundeni mu munga ya vanu vakweeva ngeci muyoye, co endeni mu ngila ya mana.”

Visimo 9:6 Iomraidhean Croise

Myaso 119:115

Tundeni kuli yange yeni vaka-kulinga vuvi, ngeci njinyunge mashiko a Njambi yange.

Myaso 45:10

Yove shombolwa ya mwene, tolilila vije njikuleka, kesi utolilile kunangula kwa vanu vove na vavushoko vwove.

Visimo 10:17

Vanu vaje vatolilila omo vavanangula vakayoya, oloni vaje kuvatava ngeci vanaviisa, vali mu vushonde.

Visimo 13:20

Uje enda na vaka-mana apwa muka-mana lalo, oloni uje enda na vilema akanyonga.

Visimo 23:19

Munange, tolilila, pwa wakunyanyama nakukala na mana, mukukava ngila ya vushunga.

Visimo 4:11

Njinakulongesa mu ngila ya mana, njinakutwamenena mu vingila vyakushungama.

Visimo 8:35

Woshe uje anjiwana awana mwonyo, co Shukulu Kalunga akavwaelela nendi.

Visimo 9:11

Mana akakuwezelela ku myaka yakuyoya kwove.

Ezekiyele 11:20

Asinoni vakanyunga mashiko ange, nakwononoka vilongesa vyange vyoshe. Vakapwa vanu vange, nange njikapwa Njambi yavo.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Luka 13:24

“Licikinineni mukovele mu cikolo cacindondo, omwo mwa vushunga vavangi vakashaka kukovelamo oloni kuvakasa.

Vilinga vya Miluwa 2:40

Petulu wendekele kuli vakevo na majwi amangi eka nakuvalambelela ngwendi, “Lyameneni yeni vavenya ku kunyanyamesa kulinakwija ali vanu ava va vilinga vya kupenga-penga!”

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

Kujombolola 18:4

Co njazivile lalo lijwi likwavo lyatundile mwilu lyendekele ngwalyo, “Eni vanu vange! Tundeni kuli ikeye! Kesi mulipandakane nendi mu vuvi vwendi, kesi mukundame ku cihiso cendi!