Visimo 9:10 - Livulu lya Shukulu Kalunga

¹⁰ Kwononoka Shukulu Kalunga, cikeco vushangumukilo vwa mana. Nga uzivuka Njambi Wakujela, co unapu muka-kuzivisisa.

Visimo 9:10 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 34:12

Munu iyajo uje ashaka mwonyo? Munu uje ashaka kuyoya matangwa amangi ngeci amone vyavivwa?

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 2:5

Ukazivuka mucinalumbunukila kukomoka Shukulu Kalunga, ukawana lalo mana akuzivuka Njambi.

Visimo 30:3

Kunjalilongesele mana, co kunjizivuka Njambi mwafwa.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.