Visimo 8:15 - Livulu lya Shukulu Kalunga

¹⁵ Njikakwasa vimyene kushwana, na vaka-kushwana kutunga mashiko amavwa.

Visimo 8:15 Iomraidhean Croise

1 Vimyene 10:9

Vashangazale Shukulu Kalunga Njambi yove! Nakumwesa kuvwaelela kwendi akukupwisa mwene wa mu Isalele. Omwo cizemo cendi a Isalele cije kucesi kutenguluka, ikeye nakupwisa mwene yavo ngeci unyunge mashiko na vushunga.”

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Vimyene 3:9

Ngecivene, unjane mana akushwana nawo vanu vove mu vushunga nakuzivuka kwangununa akati ka vuvwa na vuvi. Nga kesi mukemwo ni, co vatijo njasa kushwana vanu vove ava vavangi ngacije?”

1 Vimyene 5:7

Hilame mwazivile lijwi lya Solomoni wavwaelelele manene, co wendekele ngwendi, “Vashangazale Shukulu Kalunga ku litangwa lya lelo, akwana Ndaviti mwana wa mana kupwa mwene wa muyati wakama ngacije!”

1 Mizimbu 28:5

Co ikeye wanjanene vana vavangi manene, co vakevo ava voshe waangwileo Solomoni kushwana Isalele, vumwene vwa Shukulu Kalunga.

2 Mizimbu 1:10

ngecivene, njane mana akushwana nawo nakuzivuka vije vishakiwa. Nga kesi mukemwo, co vatijo njasa kushwana vanu vove ava vanatumu ngacije?”

2 Mizimbu 1:11

Co Njambi wakumbulwile Solomoni ngwendi, “Unalombo cuma cacivwa, kuwalombele vufuko, nambe lutsimo, nambe kutsa kwa vitozi vove, nambe kuyoya simbu yakama, oloni unalombo mana nakuzivisisa ngeci ushwane vanu vange ava, njinakupwisa mwene omwo vakevo.

Myaso 2:10

Yeni vimyene mweseni ngeci munazivisisa majwi awa, yeni vaka-kushwana, tolilileni mwamuvwa kukunangula oku.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Visimo 29:4

Omo mwene asompa mwa vushunga, co vanu vakala mwamuvwa, oloni nga aaka mbunge yendi ku mazika-kanwa lika, co aviisa lifuti lyendi.

Visimo 8:16

Vaka-kushwana, na vaka-vulemu voshe va ano asi valinakushwana akukwasa kwange.

Isaya 1:26

Yelusalema njikakwana vaka-kushwana na vaka-kunangula ngwe vaje vawakele navo ku san̄ulu. Asinoni lizina lyove lyaliha likapwa ‘Nganda yakushungama na kulongwa.’ ”

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Loma 13:1

Munu woshe napande kwononoka kuli vaka-kushwana, omwo naumo wai ashika kuvanga Njambi namwangula, co vaka-kushwana vaje valiko Njambi ikeye navemika.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 9:17

Omo Samwele wamwene Saulu, co Shukulu Kalunga wendekele kuli ikeye ngwendi, “Kenga, ou ikeye munu uje injinakulekele. Ikeye akashwana vanu vange.”