Visimo 8:10 - Livulu lya Shukulu Kalunga

¹⁰ Angula vilongesa vyange na mana ange kutuvakana siliva, nambe ngolinde yaivwa.

Visimo 8:10 Iomraidhean Croise

Yombi 28:15

Kutwasa kulanda mana na vulemu vwa siliva nambe na vulemu vwa ngolinde.

Yombi 28:17

Seo yawo yatuvakana ngolinde na kalivanjelo, atuvakana seo ya vyakushoveya na seo ya ngolinde yaivwa.

Myaso 119:127

Yange njazema mashiko ove kutuvakana ngolinde, kutuvakana ngolinde yaivwa.

Myaso 119:162

Njivwaelela a lijwi lyove, ngwe kuvwaelela kwa munu uje nawana vufuko vwavungi.

Myaso 119:72

Lishiko lyakutunda mu kanwa kove lyalivwa manene kuli yange, kutuvakana vufuko vwoshe vwa ano asi.

Visimo 10:20

Majwi a muka-vushunga anapu ngwe siliva yakujela, oloni viyongola vya muka-vuvi vinapu vyangoco.

Visimo 16:16

Cinapu cuma cacivwa manene kukala nakuzivisisa na mana, kutuvakana kukala na ngolinde na siliva.

Visimo 20:15

Majwi a mana anatuvakana ngolinde nambe mamanya a seo yakama.

Visimo 23:23

Landa vushunga, na mana, na vilongesa, nakuzivisisa, co kesi ulyangunuke navyo.

Visimo 8:19

Vije uwana kuli yange vinapu vyavivwa kutuvakana ngolinde yaivwa, kutuvakana siliva yakujela.

Muka-kwambulula 7:11

Munu woshe ayoya napande kupwa muka-mana, co cinapu cacivwa ngwe uje atambula vushwana.

Vilinga vya Miluwa 3:6

Oloni Petulu wendekele kuli ikeye ngwendi, “Kunjesi na vimbongo, oloni eci njilinaco cikeco cinjikwana, mu lizina lya Yesu Kilistu wa ku Nazaleta njikushika ngwange katuka wende!”

2 Kolinte 6:10

nambe tulinakuviilila, oloni simbu yoshe tulinakujolela, tulinakusholoka ngwe tu tuutu, oloni tunapwisa vanu vavangi vaka-kufuka, tulinakusholoka ngwe kutwesi nacimo cai, kuma tunafuku vyuma vyoshe.