Visimo 6:25 - Livulu lya Shukulu Kalunga

²⁵ Kesi utave munakazi wa cifwa cangacije akukokweye na vuvwa vwendi, nambe na mesho endi embwe.

Visimo 6:25 Iomraidhean Croise

2 Vimyene 9:30

Yehu wezile ku Njezelele. Co Njezevele akuziva vije vyalingiwile, wakwitile vyemba ku mesho endi, nakuvwaesa vin̄ambu vyendi, wemanene mu njanena ya lipela nakukengelela ku ngila.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Myaso ya Solomoni 4:9

Unakoko mbunge yange, ndokazi yange, shombolwa yange, unakoko mbunge yange akunjikenga na mesho ove, na sungu yove ije unazala.

Isaya 3:16

Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Ezekiyele 23:40

“Co lalo vatumine tunganda mukulanya vanalume vakutunda kulyala vaije kuli vakevo, omo vaje vanalume vezile, co vaje vandokazi vavali vajwelele nakusona ku mesho avo nakuzala vya senga.

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Kwituluka mu Mashiko 5:21

“ ‘Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.’