Visimo 6:17 - Livulu lya Shukulu Kalunga

¹⁷ Kulyalesa nakwendeka makuli, kutsiya vanu vakujeneka mulonga,

Visimo 6:17 Iomraidhean Croise

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

2 Vimyene 24:4

vunene vene a vanu vakujeneka mulonga vaje vatsiile. Co Shukulu Kalunga kasambesele Manase a vije vyalingile.

Myaso 10:4

Muka-vuvi kombuko mbunge kuli Shukulu Kalunga, mu kulyalesa kwendi ayongola ngwendi Njambi waiko.

Myaso 101:5

Njikolwesa munu woshe uje afweya mukwavo, kunjikatava munu wa kulyalesa, na mbunge yendi lalo yakulyaka ku vukama, kupwa musamba wange.

Myaso 131:1

Shukulu Kalunga, yange njinecela kulyalesa kwange, co njinecela kulyaka ku vukama, yange kunjesi kukundama ku vin̄anda vyakama, nambe kukundama ku vyuma vyakukomokesa.

Myaso 18:27

Yove ukamena vaje vaka-kulikeesa, oloni ukakeesa vaje valyalesa.

Myaso 31:18

Olwesa vaje vaka-makuli, na voshe vaka-kulyalesa na vaka-kulindula, vaje vendeka na kayengu kuli vaka-vushunga!

Myaso 5:6

Yove Shukulu Kalunga unyongesa voshe vaka-makuli, nakuzinda vaka-kutsiya na vaka-kukwisa.

Myaso 5:7

Oloni omwo a cizemo cove cakama cije kucesi kutenguluka, njikakovela mu Njuvo yove, co njikalemesa mu Njuvo yove yakujela.

Visimo 1:11

Nambe nga vendeka ngwavo, “Ija kuno tuvandamene munu ngeci tumutsiye, tuvandamene vanu vakujeneka mulonga ngeci tuvatsiye!

Visimo 1:16

Simbu yoshe vanu ava vakalingi cuma cacivi. Vakevo vakalyanganya ngeci vatsiye.

Visimo 12:22

Shukulu Kalunga wazinda vanu vaka-makuli, oloni avwaelela na vanu vaje valinga vya vushunga.

Visimo 14:5

Mukaleo wa kulongwa simbu yoshe akendeka vushunga, oloni mukaleo uje wakujeneka kulongwa, kesi kwendeka vya vushunga oloni makuli lika.

Visimo 16:5

Shukulu Kalunga wazinda munu woshe uje muka-kulyalesa, mwa vushunga vene akavahisa.

Visimo 17:7

Vaka-vulemu kuvesi kwendeka makuli, co cilema kesi na cuma cimo cacivwa cakwendeka.

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Visimo 26:28

Nyanyama na munu uje endeka makuli na majwi akuseveleka, majwi a cifwa eci, anena lika luvinda.

Visimo 28:17

Kesi ukwase munu uje muka-kutsiya, mwecele aye nakwendangana matangwa oshe akuyoya kwendi.

Visimo 30:13

Kuli vanu vamo vakaliyongola ngeci vanapu vavavwa manene, eyo, valiyongola ngeci vanapu vavavwa!

Visimo 6:16

Kuli vyuma vitanu na vivali vije Shukulu Kalunga vyazinda, vikevyo vyapwa vya vunyengwe kuli ikeye.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 3:16

Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Njelemiya 26:15

Oloni zivukeni ngweni nga munjitsiya, co yeni, na nganda ino, mukakala na mulonga wakutsiya munu wakujeneka mulonga, omwo Shukulu Kalunga ikeye wanjitumine ngeci njiminangule.”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Kwituluka mu Mashiko 19:10

Lingeni ngeci, kutewa maninga a mulonga kesi vakaetile mu lifuti lyeni, lije Shukulu Kalunga Njambi yeni alinakumyanalyo kulishwana, ngeci kesi mukakale na mulonga wakwitila maninga.

Kwituluka mu Mashiko 27:25

“ ‘Cisingo ca Njambi cikale ali munu woshe uje atambula lizika-kanwa ngeci atsiye munu uje kesi na mulonga.’ “Co vanu voshe vakakumbulula ngwavo, ‘Ewa!’

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.