Visimo 31:4 - Livulu lya Shukulu Kalunga

⁴ Ove Lemwele tolilila, vimyene kuvapandele kunwa vinyu, nambe vaka-kushwana kuvapandele kushungwiya kunwa vwala.

Visimo 31:4 Iomraidhean Croise

1 Vimyene 16:9

Co Zimeli, umo wa ali vamyata vendi uje wapwile mukulunu wa matemba amo a mwene, wamwendele vungungu. Litangwa limo mu Tileza, Mwene Elahe wapendele mu njuvo ya Aleza, uje wapwile mukulunu wa lipela.

1 Vimyene 20:12

Mbenehandande amo na vasamba vendi vakele nakunwa mu vimbalaka vyavo, omo vamulekele mwakumbulwile Ahave. Washikile mashwalale vendi ngeci valivwaese kukalwisa nganda, co vaile vakalwisile nganda ya Samaliya.

Esita 1:10

Co a litangwa lyamucitanu na avali lya ciwano cendi, omo mwene wakele nakunwa nakuvwaelela, wasanene Mehumane na Mbizeta na Halevona na Mbingeta na Ambangeta na Zetale na Kalekase vayunuke vatanu na vavali vaje vapangele kuli mwene ngeci

Esita 3:15

Co miluwa vashatukile lumbisi kutwala muzimbu mu mafuti oshe ngwe muje mwashikile mwene. Co vambulwile lije lishiko na mu nganda ya Susa. Co mwene na Hamane vatumbamene amo nakunwa, oloni vanu vaje vakele mu nganda ya Susa vakele na kuuya-uya.

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Visimo 23:34

Yove ukaliziva ngwe uli mu nzinga ya mema a kalunga, nambe ukaliziva ngwe munu uje nalala akamwa ya citi ca akati ka vwato.

Muka-kwambulula 10:17

Lifuti livezika omo mwene walyo napu wa mana, co vamyata vakalingi ciwano a simbu yaco, ngeci vakale na nzili kesi nakupenda.

Isaya 5:22

Ngongo yeni! Vingenyenye va vingalafwa vya vinyu! Mwapwa vaka-kusimpa nakujeneka lyova omo mutsingasana vyakunwa!

Hambakuke 2:5

Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu.