Visimo 31:10 - Livulu lya Shukulu Kalunga

¹⁰ Munakazi wa seo iyajo asa kumuwana? Seo yendi inatuvakana mamanya a lumbi!

Visimo 31:10 Iomraidhean Croise

Yombi 28:18

Seo ya mana yatuvakana kolale nambe kilisitela, nambe mamanya a lumbi.

Visimo 12:4

Munakazi wamuvwa napu cuma ca seo kuli munalume wendi, oloni munakazi uje azivisa shwamwa munalume wendi, napu ngwe mushongo wa lulanga mu vitsiya vya munalume wendi.

Visimo 14:1

Munakazi wa mana, anyunga njuvo yendi, oloni munakazi wa cilema, aviisa njuvo yendi.

Visimo 18:22

Uje awana munakazi awana cuma cacivwa, co awana kutetela kuli Shukulu Kalunga.

Visimo 19:14

Munu asa kushwana njuvo na vufuko vwa visemi vendi, oloni Shukulu Kalunga lika asa kukwana munakazi wa mana.

Visimo 20:15

Majwi a mana anatuvakana ngolinde nambe mamanya a seo yakama.

Visimo 3:15

Mana ali na seo yakama kutuvakana mamanya a seo, navimo vyai viwushaka vilyeseka na mana.

Visimo 31:11

Munalume wendi wamukulaela, co kakapu kautu.

Visimo 8:11

“Yange njapwa mana, njinatuvakana mamanya a seo, cuma nacimo cai cilyeseka nange.

Muka-kwambulula 7:28

Eci cikeco cuma ciyashakele mbunge yange manene, oloni kunjaciwanene embwe. Njawanene munalume umo muka-vushunga akati ka vanalume 1,000, oloni akati ka vanu 1,000, kunjawaneneo munakazi umo muka-vushunga.

Lute 3:11

Co ololo, kesi ulinyenge embwe, njikakulingila vyuma vyoshe viwunalombo. Vanu voshe va muno mu nganda vazivuka ngeci yove wapwa u munakazi wamuvwa wa kulongwa.

1 Samwele 25:3

Munakazi wendi Avingaile wapwile wamuvwa, co lalo wakele na mana akuzivisisa, oloni munalume wapwile wakukaluwa manene, na vilinga vyendi vyapwile vyavivi. Navale wakele nakuteula vimanga vendi mu Kalemele.