Visimo 3:7 - Livulu lya Shukulu Kalunga

⁷ Kesi ulimone ngwe u muka-mana embwe, oloni komoka Shukulu Kalunga, tunda ku vuvi.

Visimo 3:7 Iomraidhean Croise

2 Samwele 12:20

Co Ndaviti wendukile asi, wajwelele, nakusakula vin̄ambu vyendi, wazalele vuzalo vweka. Asinoni waile nakulemesa mu Njuvo ya Shukulu Kalunga. Omo welukile ku lipela, walombele vyakulya, co vamunenelelevyo, walile.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Kutuuka 20:20

Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.”

Visimo 14:16

Vaka-mana vakalinyungu ku vukalu, oloni vilema vapwa valishamena, co vakalingi vyuma kuviyongola.

Visimo 14:27

Kukomoka Shukulu Kalunga kunapu kavwelu-vwelu ka mwonyo, ngeci munu atunde mu vinganjo vya kutsa.

Visimo 16:6

Pwa wa kulongwa nakushungama, co Njambi akakusambesa ku vuvi vwove, ononoka Shukulu Kalunga, co cuma nacimo cai cacivi cikalingiwa kuli yove.

Visimo 23:4

Pangesa mana ove vavenya kesi ulipese ngoco kushakezeka vufuko.

Visimo 26:12

Cilema natuvakana munu uje aliyongola ikeye vavenya ngeci napu muka-mana kuma kesi nao.

Visimo 26:5

Kumbulula cilema ngwe ku vulema vwendi, ngeci kesi alimone kunyanyama.

Visimo 28:11

Vaka-kufuka simbu yoshe vakaliyongola ngwe vali na mana, oloni kautu uje azivisisa, namutuvakana.

Visimo 28:26

Uje alikulaela ikeye vavenya napu cilema, oloni uje enda na mana akovoka.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Isaya 5:21

Ngongo yeni! Yeni munayongola ngweni munapu mu vaka-mana, co mwanyanyama manene.

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.