Visimo 3:32 - Livulu lya Shukulu Kalunga

³² omwo Shukulu Kalunga wazinda vaka-kulinga vuvi, wakulaela vaka-kushungama.

Visimo 3:32 Iomraidhean Croise

Yombi 29:4

Ngwe muje njakele mwamuvwa a matangwa a vutukuka vwange, co vusamba vwange na Njambi vwanyungile limbo lyange.

Myaso 18:26

Yove wapwa wakujela kuli vaje vakujela, oloni ukamwesa vukalu kuli vaka-vuvi.

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Visimo 11:20

Shukulu Kalunga wazinda vanu vaka-vimbunge vyavivi, oloni azema vaje vaka-kulinga vya vushunga.

Visimo 14:10

Mbunge na mbunge izivuka vukalu vwayo, co naumo wai asa kuvwaelela nayo.

Visimo 17:15

Uje asambesa muka-vuvi na uje ahisa muka-vushunga, voshe muvuvali vwavo vanapu vunyengwe kuli Shukulu Kalunga.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 41:24

Yeni kesi mu vanu, na vyoshe vimulinga kuvyesi na seo, vaje valinakumilemesa valinakulilingisa vunyengwe!

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Luka 16:15

Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Yowano 15:15

Kunjimitumbula lalo vangamba embwe, omwo ngamba kazivuka vije vyalinga shukulu yendi. Oloni njimitumbula vasamba, omwo njamileka vyuma vyoshe vije vinjavizivile kuli Tate.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.