Visimo 3:21 - Livulu lya Shukulu Kalunga

²¹ Munange, nyunga mana ove nakuzivuka kwove kwakuvwa. Kesi vitunde muli yove.

Visimo 3:21 Iomraidhean Croise

Visimo 1:4

Vyasa kunyanyamesa vaka- kulilongesa, nakwana mukwenje mana akuyongola mwamuvwa.

Visimo 18:1

Vanu vakujeneka kulizilila na vakwavo vakashaka lika kulinga mwaya cizango cavo, vakavyana vushunga vuje vuvazivuka vakwavo.

Visimo 19:8

Uje atonda mana azema mwonyo wendi, uje anyunga mana co akakala mwamuvwa.

Visimo 2:7

Shukulu Kalunga natulikila mana vaka-vushunga nakunyunga vaka-kulongwa, amena vaka-kujeneka mulonga.

Visimo 4:21

Kesi utave ngeci akuseze. Anuke nakuwanyunga mu mbunge yove.

Visimo 4:6

Kesi uvyane mana, akakwamena, azeme, co akakunyunga.

Visimo 5:2

Asinoni ukazivuka mwamuvwa kasingimiko, co majwi ove akamwesa ngeci kuma uli na mana.

Visimo 8:14

Njikatumbu matumbe nakuwalinga, nji muka-kuzivisisa, co njapwa muka-nzili.

Yowano 8:31

Ngecivene, Yesu wendekele kuli vaje vamukulaelele ngwendi, “Nga mwononoka vilongesa vyange, mwa vushunga munapu mu vandongisi vange,

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

Yoshwa 1:8

Livulu eli lya Mashiko lilave kutambekela simbu yoshe omo mukunguluka. Co lilongeselyo mutanya na vutsiki, ngeci wononoke vyuma vyoshe vije vivasonekamo. Co ukavezika nakukala mwamuvwa mukuyoya kwove.

1 Yowano 2:24

Ngecivene, nyanyameni, nyungeni mu vimbunge vyeni lijwi lije mwazivile tunde ku san̄ulu. Nga munyunga lijwi lije, asinoni simbu yoshe mukayoya amo na Mwana na Ishe.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.