Visimo 3:20 - Livulu lya Shukulu Kalunga

²⁰ Mana endi alingisile mema amangi ngeci alyangunuke, na mashelwa kunyokesa nyonzi ano asi.

Visimo 3:20 Iomraidhean Croise

Kushangumuka 1:9

Asinoni Njambi wendekele ngwendi, “Mema a mwisi ya lilu alikungulwile mu mutambela umolika ngeci kusholoke livu lyakuma.” Co calingiwile.

Kushangumuka 27:28

Njambi akwane nyonzi yakutunda mwilu, mahya ove apwe a vwilo, akwane vimbuto vyavingi na vinyu!

Kushangumuka 7:11

Nowa wakele na myaka 600, co a litangwa lyamulikumi na atanu na avali ku ngonde yamucivali, masima a tuvwelu-vwelu twakama twa mu mema a kalunga kwisi ya livu atuvikile na vimbengwa vyoshe vya mwilu vyashokolokele,

Visimo 8:24

Njasemukile simbu kanda mema a kalunga akaleko, simbu masima a tuvwelu-vwelu akaleko.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Kwituluka mu Mashiko 33:28

Ngecivene, vatekulwila va Yakomba vayoye mu kwoloka, vakale mwamuvwa mu lifuti lya vimbuto na vinyu, muje lime lya kwilu likajulisa asi.