Visimo 29:4 - Livulu lya Shukulu Kalunga

⁴ Omo mwene asompa mwa vushunga, co vanu vakala mwamuvwa, oloni nga aaka mbunge yendi ku mazika-kanwa lika, co aviisa lifuti lyendi.

Visimo 29:4 Iomraidhean Croise

2 Samwele 8:15

Ngecivene, Ndaviti washwanene Isalele yoshe, co walingile mwamuvwa na vushunga kuli vanu vendi.

1 Vimyene 2:12

Co Solomoni washwanene a litanda lya ishe Ndaviti kupwa mwene, co vumwene vwendi vwakolele manene.

2 Mizimbu 9:8

Wakushangazala Shukulu Kalunga Njambi yove! Ikeye namwesa kuvwaelela kwendi akukupwisa mwene ushwane mu lizina lyendi. Omwo ikeye wazema vanu vendi va Isalele, co ashaka kuvanyunga ku myaka yoshe, ikeye nakupwisa mwene yavo ngeci unyunge mashiko na vushunga.”

Yombi 11:6

Nga nakuleka omwo kuyili mitambela ya vaka-mana, co kuvili vyuma vyakulova manene kuli munu vije kasa kuzivuka. Njambi alinakukuhisa kamandondo lika kutuvakana milonga yove.

Myaso 89:14

Ukashwana vumwene vwove mukushungama na mu vushunga, cizemo cije kucesi kutenguluka na kulongwa visholoka mu vyoshe vije ulinga.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Visimo 14:34

Vushunga vukatsimanesa lifuti, oloni vuvi vunena shwamwa ku lifuti lyoshe.

Visimo 16:10

Mwene endeka na moko ya vuNjambi, co kusompa kwendi kwapwa kwakushungama simbu yoshe.

Visimo 16:12

Cinapu ca vunyengwe ku vimyene kulinga vyuma vyavivi, omwo litanda lya vumwene lyapwa lya vushunga.

Visimo 20:8

Omo mwene asompa vin̄anda, co avyeseka na vukaleo vwa vije vin̄anda.

Visimo 29:14

Nga mwene asompela kautu ngwe muje munai n̄anda, co akashwana simbu yakama.

Visimo 8:15

Njikakwasa vimyene kushwana, na vaka-kushwana kutunga mashiko amavwa.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Ndanyele 11:20

“Co mwene mukwavo akashwana munima yendi, ikeye akatuma ntwama yendi wa mukulunu mukuyandesa vanu ngeci vafwete lisimu awezelele ku vufuko vwa mu vumwene vwendi. Mu simbu yaindondo lika, uje mwene vakamutsiya, oloni kesi citona-mesho nambe kesi mu nzita.”

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.