Visimo 29:27 - Livulu lya Shukulu Kalunga

²⁷ Vaka-vushunga vazinda vaka-vuvi, co vaka-vuvi vazinda vaka-vushunga.

Visimo 29:27 Iomraidhean Croise

Myaso 101:4

Vanu va vimbunge vyavivi vakakala kulyala nange, kunjikalingi vyuma vimo vyavivi.

Myaso 119:115

Tundeni kuli yange yeni vaka-kulinga vuvi, ngeci njinyunge mashiko a Njambi yange.

Myaso 139:21

Yove Shukulu Kalunga, yange njazinda vaje vakuzinda! Njikayeluwisa lalo vaje vaka-kukutengulukila!

Myaso 139:22

Yange njavazinda manene, njavapwisa vene vitozi vange.

Myaso 6:8

Wazivi kulila kwange yove Shukulu Kalunga, ngecivene, tundeni kuli yange yeni voshe vaka-vuvi.

Myaso 69:4

Vaje vaka-kunjizinda kujeneka mulonga vanatumu manene kutuvakana vin̄ambu vya ku mutwe wange. Vitozi vange vendeka makuli ali yange, vali na nzili, co vashaka kunjitsiya. Valinakunjisindiya kwilwisa vyuma vije kunjevile.

Visimo 12:8

Munu muka-mana vakamushangazala, oloni cilema vakamukenga na shwamwa.

Visimo 13:19

Cinapu cacivwa manene kuwana vije viwushaka, oloni vilema vakavyana kutenguluka kutunda ku vuvi.

Visimo 24:9

Viyongola vya vulema vyapwa vuvi. Vanu vazinda munu uje ashendumuna vakwavo.

Visimo 29:10

Vaka-kutsiya vakevo vazinda munu woshe uje wa kulongwa, oloni vaka-vushunga vakanyungu mwonyo wa munu wa kulongwa.

Visimo 30:1

Awa akewo majwi a Angule muna Njake wendekele ngwendi, “Njambi kesi nange, Njambi kesi nange, co njinazeye.”

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 24:9

“Asinoni vakamikwata nakumiyandesa nakumitsiya, co miyati yoshe vakamizinda omwo lizina lyange.

Yowano 15:23

Woshe anjizinda yange azinda Tate lalo.

Yowano 17:14

Njavanene muzimbu wove, co vaka-kaye vavazindile, omwo vakevo kesi vaka-kaye, ngwe omo yange kesi nji muka-kaye.

Yowano 7:7

Vaka-kaye kuvasa kumizinda, oloni vazinda yange, omwo njilinakuvaleka ngwange vingila vyavo vinapu vyavivi.

1 Yowano 3:13

Ngecivene, vasamba vange, kesi mukomoke nga vanu vaka-kaye vamizinda.