Visimo 29:2 - Livulu lya Shukulu Kalunga

² Omo vaka-vushunga vashwana, co vanu voshe valisamba, oloni omo vaka-vuvi vashwana, co vanu vakemanga.

Visimo 29:2 Iomraidhean Croise

Esita 3:15

Co miluwa vashatukile lumbisi kutwala muzimbu mu mafuti oshe ngwe muje mwashikile mwene. Co vambulwile lije lishiko na mu nganda ya Susa. Co mwene na Hamane vatumbamene amo nakunwa, oloni vanu vaje vakele mu nganda ya Susa vakele na kuuya-uya.

Esita 8:15

Co Molendekai watuukile mu lipela lya vumwene, oku nazala vuzalo vwa vumwene vwa mavala akuzivuluka naa akutoka na cikoveyo cacilaja ca linyu cakuletuka na cilongo ca vumpau ca ngolinde. Co mu vitapalo vya mu Susa vatwile vingunda na mutambi wakuvwaelela.

Yombi 34:30

Nacimo cai civakalinga vanu, mukuvindika vaka-kujeneka kukulaela vaje valinakuvapakesa ngeci kesi vavashwane.

Visimo 11:10

Vivezikiso vya vaka-kulongwa, vikanenela nganda kuvwaelela, omo vaka-vuvi vatsa, co kukakala kujolela.

Visimo 28:12

Omo vaka-vushunga vashwana, co vanu voshe valisamba, oloni omo vaka-vuvi vashwana, vanu valishandoka.

Visimo 28:15

Mwene uje ayandesa vaka-kuutwa napu ngwe ndumba alinakwaana, nambe ngwe mbeya wa vukalu.

Visimo 28:28

Omo vaka-vuvi vashwana, co vanu vashandoka, oloni omo vaka-vuvi vonwa kushwana, co vaka-vushunga vashwana lalo.

Muka-kwambulula 10:5

Kuli vuvi vumo vunjinamono ano asi, vuvi vuje valinakunena vaka-kushwana.

Muka-kwambulula 10:6

Vaka-kushwana vasingimika vilema, oloni vaka-kufuka vakevo kuvavasingimika.

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 2:3

Omo Mwene Helonde wazivile vyuma evi, co walijujukilile manene, amo na voshe vaje vakele mu Yelusalema.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”