Visimo 29:1 - Livulu lya Shukulu Kalunga

¹ Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Visimo 29:1 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

1 Vimyene 20:42

Co uje muka-kwimanena wendekele kuli mwene ngwendi, “Shukulu Kalunga wakulekele ngeci utsiye Mbenehandande, oloni yove wamuputumwisile. Ngecivene, vakakutsiya kwinga mu mwela wendi na mashwalale vove vakavanyongesa omwo unatava mashwalale vendi vaputumuke.”

1 Vimyene 22:28

Co Mikaya watambekeleleko ngwendi, “Nga yove wiluka mwamuvwa, co Shukulu Kalunga kendekele muli yange embwe!” Co lalo wendekele ngwendi, “Tolilileni kesi mwivale evi njinendeka!”

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

2 Mizimbu 33:10

Nameme Shukulu Kalunga wanangwile Manase na vanu vendi, oloni vakevo kuvamutolililile.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Yombi 9:4

Njambi muka-mana na nzili, munu naumo wai emana nakumulwisa.

Kutuuka 9:7

Mwene watumine vanu mukwihwisisa vika vyalingiwa, co vamulekele ngeci naumo wai cimuna wa vaIsalele natsi. Oloni mwene wakaluwisile manene mbunge yendi, co katavele ngeci vanu vaye.

Visimo 28:14

Navezika munu uje akomoka Shukulu Kalunga simbu yoshe, oloni uje akaluwisa mbunge yendi akakala mu tuyando.

Visimo 28:18

Pwa munu wa kulongwa, co ukovoka, nga kuupu munu wa kulongwa, co vwasi-vwasi ukawa.

Visimo 28:28

Omo vaka-vuvi vashwana, co vanu vashandoka, oloni omo vaka-vuvi vonwa kushwana, co vaka-vushunga vashwana lalo.

Visimo 6:15

Omwo a eci, vwasi-vwasi n̄avava ikaija ali vakevo, co vakavulumuka manene kujeneka kukanguka.

Isaya 28:22

Ngecivene, kesi mushendumune, kutewa mukakala mu vukalu vwakama manene kutuvakana kunima. Njinazivi vutumbe vwa Shukulu Kalunga Muka-nzili yoshe vwakunyongesa kaye koshe.

Isaya 48:4

Njazivukile ngwange yeni mwapwa vanu vavakalu, vanu va vimbunge vyakukola ngwe vutale.

Njelemiya 14:19

Shukulu Kalunga, kuma unavyana vene Yunda ndi? Kuma wazinda vanu va ku Siyone ndi? Omwo vikajo watuvulumwina mwamuvi ngacije ngeci kutwesi nakukanguka? Twakengelelele kwoloka, oloni nacimo cacivwa calingiwile cai, cinyangavili cetu capwile cakwinduka, oloni kwezile lika tuyando.

Njelemiya 17:23

Oloni vakukulwila vavo kuvanjitolililile, nambe kumbako mbunge. Oloni vapwile vaka-kukaluwisa vimbunge, kuvanjononokele nambe kulilongesa kuli yange.

Njelemiya 36:31

Njikakunyanyamesa, na vatekulwila vove, na vamyata vove, omwo a vuvi vuje vumunalingi muvavoshe. Nambe yove, nambe vanu va mu Yelusalema na mu Yunda kumwombile vimbunge kukunangula kwange, ngecivene, njikanena tuyando twakama ali yeni voshe tuje njalishungwiiye.”

Hambakuke 2:7

Oloni simbu kanda mucizivuke cuma eci, yeni mwafungulwile vakweni mukakala na likongo yeni vavenya, co vakamisindiya ngeci mufwete kakondweso. Vitozi vakaija nakumizivisa lyova. Vakamipukula!

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

Yowano 13:26

Yesu wakumbulwile ngwendi, “Uje injikana likende lije linjikatanta ikeye vene.” Ngecivene, wanonele likende, walitantele, co walyanene kuli Yundasa, muna Simoni Isikalyote.

Vilinga vya Miluwa 1:18

(Na vimbongo vije vyatambwile Yundasa a vilinga vyendi vyavuvi wavilandele lihya, muje mwawilililile na kutsa, watavukile lifu na mila yendi yatutulukile.

Vilinga vya Miluwa 1:25

ngeci apange vipangi vya muluwa mu mwela wa Yundasa, uje waasezele nakuya ku mutambela wendi.”

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.

1 Samwele 2:34

Omo vana vove vavali Hofene, na Finehase vakatsa litangwa limolika, co eci cikakumwesa ngeci vyoshe vinjendeka vinapu vya vushunga.