Visimo 28:4 - Livulu lya Shukulu Kalunga

⁴ Vaje vavyana mashiko vashangazala vaka-vuvi, oloni vaje vanyunga mashiko valwisa vaka-vuvi.

Visimo 28:4 Iomraidhean Croise

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

1 Vimyene 18:21

Elinja wemanene kulutwe lwavo wendekele ngwendi, “Simbu ikajo mukalyangwila ou imunapande kupangela? Nga Shukulu Kalunga ikeye Njambi, co mulemeseni, oloni nga Mbale ikeye Njambi, co mulemeseni.” Oloni vanu kuvendekele lijwi nalimo lyai.

Nehemiya 13:15

A simbu ije njamwene vanu va mu Yunda valinakukamuna vushuka a Litangwa Lyakuhwima. Veka vakele nakulongekeya vimbuto a vimulu, na vinyu, na vushuka, na mikuyu, na vyuma vikwavo nakuvitwala ku Yelusalema, co njavanangwile ngeci kesi valandese cuma cimo a Litangwa Lyakuhwima.

Nehemiya 13:28

Umo wa vana va Njoyanda muna Elyashimbe Muka-kukombelela Wakama, wambatele muna Sanevalate, wa ku limbo lya Mbete Holone, ngecivene, njamushekele mu Yelusalema.

Myaso 10:3

Muka-vuvi alyalesa na mashungu a mu mbunge yendi, co muka-cipululu asinga nakuvyana Shukulu Kalunga.

Myaso 49:18

Nameme munu napwisamo nakuvwaelela mukuyoya kwa cifwa eci, nakumushangazala omwo alinakuya kulutwe,

Njelemiya 5:30

Cuma cakukomokesa ca vusiwa cinalingiwa mu lifuti,

Mateo 14:4

Omwo Yowano Muka-kumbwitika walekele Helonde ngwendi, “Kesi mwamuvwa kwambata Helondiya!”

Mateo 3:15

Oloni Yesu wamukumbulwile ngwendi, “Njitave ololo vene omwo catupande kupwisamo vushunga vwoshe.” Co Yowano wamutavele.

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Vilinga vya Miluwa 12:22

Co vanu vatambekele ngwavo, “Kesi munu alinakwendeka embwe, oloni njambi!”

Vilinga vya Miluwa 15:2

Co Paulu na Mbanambase valikananganene manene navo a cuma eci, ngecivene, vayongwele ngeci Paulu na Mbanambase na vamo veka vanu va mu Antyoke vaye ku Yelusalema nakulimona na miluwa na vakulunu a n̄anda eyi.

Vilinga vya Miluwa 19:9

Oloni vamo vavo vapwile vakukaluwa kuvasele kukulaela, co vendekele vyuma vyavivi a Ngila ya Mwene ku mesho a mbunga yoshe. Ngecivene, Paulu wavasezele nakuya amo na vaka-kukulaela, co a litangwa na litangwa wasimutwiiye navo mu njuvo yakulilongesela ya Tilanase.

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Efeso 5:11

Kesi mulipandakane na vyuma vyangoco vije vivakalingi vanu, vyuma vije vinakundama ku lisusulungu. Oloni vishololeni ku ceke.

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

1 Yowano 4:5

Vaka-kwimanena vaje va makuli vendeka a vin̄anda vya a kaye, co vaka-kaye valinakuvatolilila omwo vakevo vakundama ku kaye.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.