Visimo 28:1 - Livulu lya Shukulu Kalunga

¹ Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Visimo 28:1 Iomraidhean Croise

1 Vimyene 1:49

Asinoni vaje vanu vaalanyele Andoniya vazivile lyova, co voshe vakatukile nakuya, munu na munu waile ngila yendi.

2 Vimyene 7:15

Co vaje vanalume vaile noo vaketele ku Yondau, co mu ngila mwoshe vamwene vuzalo na vivala vije vivasezele vaSilya omo vatewele. Asinoni velukile, co vakambulwile vukaleo kuli mwene.

Nehemiya 6:11

Co yange njamukumbulwile ngwange, “Yange kunjesi na cifwa cakutewa munu nakuvanda. Kuma yove unayongola ngwove yange njasa kweseka kwamena mwonyo wange akuvanda mu Njuvo ya Shukulu Kalunga ndi? Kunjasa kulingamo embwe.”

Yombi 15:21

Majwi a muteto akujujwisa anakovela mu matwi endi, co vezi vamulwisa omo ayongola ngwendi ali mwamuvwa.

Myaso 112:7

Munu wangacije kakazivi lyova akutambula muzimbu wauvi, omo ikeye nakulaela kuli Shukulu Kalunga.

Myaso 53:5

Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Myaso 53:6

Nga kwamena kwa Isalele kwatundile ku Siyone! Omo Njambi akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Kutuuka 11:8

Mosesa wendekele lalo ngwendi, “Vamyata vove voshe vakaija kuli yange nakunjitsikamena, co vakanjilomba ngeci njiye na vanu vange voshe. Co munima yevi, njikaya.” Asinoni Mosesa waluvalele manene, co watundile kuli mwene.

Visimo 10:9

Uje enda mu vushunga ikeye enda mu kwoloka, oloni uje enda mwa kupenga-penga vakamukwata.

Visimo 27:27

Co kuje ku vimembe vakwavo lalo kukekwo kuuwana mavele akulwa na naanga vove, amo na vangamba vove voshe.

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Njelemiya 20:4

Vavenya Shukulu Kalunga nendeka ngwendi, ‘Njikakupwisa muka-lyova, co lalo ukakala na lyova na vasamba vove, co voshe ukavamona vavatsiya vitozi vavo na mukwale. Njikana vanu voshe va mu Yunda mu livoko lya mwene wa ku Mbambilone, ikeye akavatwala mu vunzinda ku Mbambilone, co vamo akavatsiya.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

VaLevi 26:36

“Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

Vilinga vya Miluwa 14:3

Ngecivene, miluwa vakele kuje simbu yakama, vendekele nakusimpa vyuma vya Mwene, uje washolwele ngeci muzimbu wavo wa kutetele wapwile wa vushunga mukuvana nzili yakulinga vizivukiso na vikomokeso.

Vilinga vya Miluwa 4:13

Vaka-Munga vakomokele omo vamwene kusimpa kwa Petulu na Yowano nomu vavamwene ngeci vapwile vanu vangoco vakujeneka kulilongesa. Co vavanongonwene ngeci vakevo vakele amo na Yesu.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:7

“Shukulu Kalunga akafungulula vitozi veni omo vakamilwisa. Vakamilwisila ku mutambela umolika, oloni vakevo vakatewela mu mitambela yoshe.

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.